Mo'min-musulmonlar istaklari asosida Shayx Muhammad Sodiq Muhammad Yusuf Hazratlarining shogirdi, Imom Buxoriy nomli Toshkent Islom inctitutining katta ustozi MUHAMMAD AYYuBHON DOMLA HOMIDOVning onlayn diniy savol-javob dasturi yangi shakl va innovatsion usullar yordamida taqdim etilmoqda.
Islom – ilm-ma'rifat dini. Inson o'zi bilmagan narsasini ulamolardan so'rab o'rganishi zarur. Alloh taolo Qur'oni karimda: “Agar bilmaydigan bo'lsangiz, zikr ahllaridan so'rangiz!”, deb buyurgan (“Nahl” surasi, 43-oyat). Hazrati Rasululloh sollallohu alayhi va sallam: “Bilimsizlikning davosi savoldir”, – deya bayon qilganlar (Imom Abu Dovud rivoyati).
2020 yil 18 sentyabr', juma kuni soat 19:00 dan boshlab, onlayn diniy savol-javob dasturining ilk sonini kuzating.
Savollaringizni @DiniySavolJavobBot telegram boti yoki jonli efir vaqtida 97-900-92-94 telefon raqamiga qo'ng'iroq qilish orqali yo'llang!
Quyidagi ijtimoiy tarmoqlarimiz orqali savol-javob dasturini to'g'ridan-to'g'ri kuzating va bevosita ishtirokchisiga aylaning!
Youtube: MuslimTV
Internet telekanali : ITV.UZ
Facebook: MuslimUz
O'zbekiston musulmonlari idorasi Matbuot xizmati
Bismillahir Rohmanir Rohiym
Oisha roziyallohu anhodan rivoyat qilinadi:
U kishi aytadilar: Bir kampir Nabiy sollallohu alayhi vasallamning huzurlariga keldi. U zot mening huzurimda edilar.
Rasululloh sollallohu alayhi vasallam unga: — «Siz kimsiz?» — dedilar. U: — «Men Jusama al-Muzaniyyaman», — dedi.
Rasululloh sollallohu alayhi vasallam: — «Yo‘q, siz — Hasona al-Muzaniyyasiz! O‘zingiz qandaysiz? Ahvollaringiz qanday? Biz ketgandan keyin qanday yashayapsizlar?» — dedilar. U: — «Yaxshimiz, otam va onam sizga fido bo‘lsin, ey Rasululloh sollallohu alayhi vasallam», — dedi.
Kampir chiqib ketgach, men dedim: — «Yo Rasululloh, shu kampirga bunchalik iliq munosabat ko‘rsatmasangiz?» Shunda u zot: — «U Xadicha zamonida uyimizga kelib turar edi. Eski tanishlar bilan chiroyli muomala qilish iymondandir», dedilar.
Homidjon qori ISHMATBЕKOV