Sayt test holatida ishlamoqda!
27 Aprel, 2025   |   29 Shavvol, 1446

Toshkent shahri
Tong
03:58
Quyosh
05:26
Peshin
12:26
Asr
17:14
Shom
19:19
Xufton
20:41
Bismillah
27 Aprel, 2025, 29 Shavvol, 1446

Munosabat: ijtimoiy tarmoqlarda tarqalgan soxta payg‘ambarlik da’vosi yuzasidan

22.08.2020   4364   2 min.
Munosabat: ijtimoiy tarmoqlarda tarqalgan soxta payg‘ambarlik da’vosi yuzasidan

Kuni kecha ijtimoiy tarmoqlarda o‘zini Malabek o‘g‘li Jamollidin, deb tanishtirgan shaxsning “Allohning vakili qilib yuborilgani, hamma uchun yagona din “Imon yo‘li dasturi” dinini targ‘ib qilish, bunga 35 yil tayyorgarlik ko‘rgani, muayyan ibodatlar dasturi borligini” aljirab chiqqan videosi tarqaldi.

Bu kabi holat birinchisi va oxirgisi ham emas, ahyon-ahyonda uchrab turishi tabiiy holdir. Bu borada Savbon roziyallohu anhudan rivoyat qilingan hadisi sharifda Nabiy sollallohu alayhi vassallam: “...Kelajakda ummatimda o‘ttizta kazzob bo‘lur. Ularning har biri o‘zining nabiyligini da’vo qilur. Holbuki, men nabiylarning xotimi-tugatuvchisiman. Mendankeyinnabiykelmas”, dedilar” (ImomTermiziyva Abu Dovudrivoyatlari).

“Kazzob” so‘zi arabcha so‘z bo‘lib, “ko‘p yolg‘on gapiruvchi”, “o‘ta ketgan yolg‘onchi” ma’nolarini ifoda etadi. Demak, Nabiy alayhissalomdan keyin hech qanday payg‘ambar yoki rasul chiqishi mumkin emas. Bordi-yu, kimdir payg‘ambarlik yo rasullikni da’vo qilsa, u yolg‘onchi deya inkor etiladi va unga qarshi chiqiladi.

Ma’lumki, Payg‘ambarimiz Muhammad sollallohu alayhi vasallam rasul (elchi) va nabiylarning so‘nggisidirlar. Bu haqida Alloh taolo: “Muhammad sizlardan biron erkakning otasi bo‘lgan emas. Lekin Allohning Rasuli va Nabiylarning so‘nggisidir. Alloh har bir narsani o‘ta bilguvchidir”, deya xitob qilgan (“Ahzob” surasi, 40-oyat).

Ushbu oyatga ko‘ra, kimda-kim Muhammad sollallohu alayhi vasallamdan keyin yana payg‘ambar yo rasul chiqadi deb aytsa, e’tiqod qilsa, kofir bo‘ladi. Chunki u mazkur oyatni inkor qilgan va Muhammad sollallohu alayhi vasallamning eng so‘nggi payg‘ambar va rasul ekanini tan olmagan bo‘ladi.

Imom Muslim va Imom Termiziy rivoyat qilingan hadisi sharif matnida Payg‘ambar alayhissalomning “Men bilan nabiylar tugatildi”, degan so‘zlarini eslab o‘tish ham maqsadga muvofiq hisoblanadi.

Shu o‘rinda,hurmatli bloger hamda faol internet foydalanuvchilariga din masalasidagi har qanday noodatiy holatni ommaga ko‘rsatish hamisha ham to‘g‘ri bo‘lavermasligini ta’kidlamoqchimiz. Chunki, bu odamlarning e’tiqodi bilan bog‘liq masala hisoblanadi.

Shundan kelib chiqib, O‘zbekiston musulmonlari idorasi bunday xatti-harakatni qat’iy qoralashini, ilmu ma’rifat rivojlangan bugungi davrda odamlarning vaqtlarini olib, bu kabi asossizlavhalarni tarqatish hech qanday mantiqqa to‘g‘ri kelmasligini hamda mo‘min-musulmonlarimizdan bu kabi shaxslarning soxta da’volariga chalg‘ib qolmasliklarini so‘rab qolamiz.

 

O‘zbekiston musulmonlari idorasi
Fatvo hay’ati

Maqolalar
Boshqa maqolalar
Yangiliklar

Ellikboshilar uchun navbatdagi yig‘ilish o‘tkazildi

26.04.2025   10939   1 min.
Ellikboshilar uchun navbatdagi yig‘ilish o‘tkazildi

Haj – 2025

Bugun, 26 aprel kuni Toshkent shahar bosh imom-xatibi Aduqahhor domla Yunusov rahbarliklarida poytaxtimizdagi «Shayx Zayniddin» jome masjidi majlislar zalida bu yil guruh rahbari bo‘lib hajga ketayotgan ellikboshilar uchun navbatdagi yig‘ilish o‘tkazildi.

Guruh rahbarlariga Abduqahhor domla Yunusov hajga puxta tayyorgarlik ko‘rish bo‘yicha tushuntirish ishlarini olib bordilar.
Hajga jo‘nashga ham sanoqli kunlar qoldi. Shu bois har ellikboshi o‘z guruhi a’zolari bilan yaqindan tanishib olishi zarurligi yig‘ilishda qayd etildi. 


Xayrli duolar bilan yig‘ilish yakunlandi.

O‘zbekiston musulmonlari idorasi
Toshkent shahri vakilligi

Matbuot xizmati

Ellikboshilar uchun navbatdagi yig‘ilish o‘tkazildi Ellikboshilar uchun navbatdagi yig‘ilish o‘tkazildi Ellikboshilar uchun navbatdagi yig‘ilish o‘tkazildi Ellikboshilar uchun navbatdagi yig‘ilish o‘tkazildi Ellikboshilar uchun navbatdagi yig‘ilish o‘tkazildi Ellikboshilar uchun navbatdagi yig‘ilish o‘tkazildi
O'zbekiston yangiliklari