29 iyundan 3 iyulgacha Astana Finance Days konferensiyasi onlayn formatda o‘tkazilib, unda o‘zgaruvchan dunyodagi bozorlarning rivojlanishi va pandemiyaning jahon iqtisodiyotiga ta’siri muhokama qilindi.
Qozoq va xorijlik ekspertlar iqtisodiy vaziyat qanday o‘zgarayotgani, hayotimizga qanday ta’sir qilayotgani va yaqin orada qanday texnologiyalar "endi avvalgidek bo‘lmaydi"gan dunyoning ajralmas qismiga aylanishi mumkinligini muhokama qilishdi. Xususan, jahon iqtisodiyoti, moliyaviy texnologiyalar, kapital bozori, Ostona xalqaro moliya markazi huquqi, islom moliyasi va inson kapitalini rivojlantirish kabi sohalarga e’tibor qaratildi. Islom moliyasi nima va u Markaziy Osiyo va dunyoda qanday rivojlanmoqda? Qozog‘istonda bu yo‘nalishning istiqbollari qanday? Ostona xalqaro moliya markazi mintaqadagi birinchi platforma bo‘lib, bizneslarni tez o‘sib borayotgan va istiqbolli investitsiya segmentiga – ISLOMIY moliyaga muntazam kirish imkonini beradi.
Islom moliyasining eng yirik sohasi islom bankidir, undan tashqari sug‘urta (takaful) va islom kapitali bozori faol rivojlanmoqda. Qozog‘iston davlat va munitsipal loyihalar uchun ham, xususiy loyihalar uchun ham muqobil moliyalashtirish manbalarini yaratish maqsadida islom moliyasi sanoatini rivojlantirishni rejalashtirmoqda. Buning uchun mamlakat va Ostona xalqaro moliya markazi eng yaxshi xalqaro amaliyot va standartlarga javob beradigan barcha zarur infratuzilma va normativ-huquqiy bazani yaratdi. Inbusiness.kz xabariga ko‘ra, Ostona xalqaro moliya markazidagi islomiy moliyaviy xizmatlar sanoati islom banklari, aktivlarni boshqarish bo‘yicha kompaniyalar, investitsiya fondlari, takaful va retakaful kompaniyalari, boshqa islom moliyaviy tashkilotlari, shuningdek, yetakchi xalqaro islom moliya institutlarining ishtirokchilarini o‘z ichiga oladi.
Pandemiya islom moliya sektoriga qanday ta’sir qiladi? "Wahed Invest" kompaniyasining bosh strategi Mehdi Bensliman fikricha, koronavirus pandemiyasi fonida kuzatilayotgan hozirgi iqtisodiy inqiroz global iqtisodiyot uchun tashvishli qo‘ng‘iroqqa aylangan. Shuning uchun bozor ishtirokchilari pul topish usullariga yaqindan qarashlari lozim. Shu bilan birga, islom moliya sohasida faoliyat yuritayotgan kompaniyalar inqirozdan yaxshi natijalar bilan chiqishi mumkin. "Bu inqiroz biz uchun investitsiya kontekstida ishlash usulini o‘zgartirishga chaqiriq. Ular ekologik jihatlarga urg‘u bergan holda yanada barqaror bo‘lishi kerak", - deydi notiq.
Inqirozdan so‘ng Mehdi Bensliman islom moliya sohasidagi kompaniyalar "investitsiya va moliyalashtirish bo‘yicha yaxshi pozitsiyalarga"ega bo‘ladi, deb hisoblaydi. Natijada hozirgi inqiroz islom moliya institutlari rivojlanishining keyingi bosqichini boshlashi mumkin.

O‘zbekiston musulmonlari idorasi matbuot xizmati