Dunyo yaralibdiki, tinchlik — osoyishtalik insoniyat uchun tengsiz ne’mat bo‘lib kelmoqda. Chunki, birinchi galda osuda hayot , yaratuvchan mehnat farovonlik, umuman, barcha ezgu maqsadlarning ro‘yobi, eng avvalo, shu ne’matga bog‘lik. Biroq azaldan yaxshilik bilan yomonlik, ezgulik bilan yovuzlik kabi inson hayotiga rahna soluvchi ofatlar ham mavjud. Islom shara’tida umuman bo‘lmagan, islomga yot g‘oyalarning, bizning yurtimizga kirib kelishidir. Yovuz niyatli diniy ektremistik va terrorchi oqimlarning tarafdorlari, xalqimizning tinch-totuv hyotiga rahna solishga urinishmokda. Xususan, xorijiy davlatlarga ketayotganlarning ma’lum qismi shu oqimlarning ta’siriga tushishmoqda. Bu esa chet eldagi ko‘plab davlatlarning nazdida yurtdoshlarimizni shu oqimning asosiy vakillari sifatida ekanligi haqida noto‘g‘ri talqinlarni ham keltirishiga sabab bo‘lmokda. Vaholanki mamlakatimizda shu oqimga kirib ketgan insonlar, o‘z qilmishlariga pushaymon bo‘lib kechirim so‘rab qaytganlarni avf etishyapti.

Aynan shu kabi xalqimizga yot va yosh avlod uchun zararli bo‘lgan yot g‘oya va illatlarning salbiy ta’siridan yoshlarni muhofaza kilish maqsadida, ularni milliy g‘oyasi va qadriyatlarni e’zozlash ruhida tarbiyalash, erkin fikrlaydigan, o‘z qarashlarida milliy g‘oyamizga tayangan, o‘z hatti-harakati, hayot tarzi bilan yashashga yoshlarni tarbiyalash oldimizdagi vazifalardir.

Bugungi kundagi yot g‘oyalarning aldovlariga aldanib o‘zi namoz nimaligini bilmaydigan, o‘z yurtini shanini toptab va oilasini yuzini yerga qaratib, o‘zlarining nima qilayotganini bilmaydigan kimsalar mana o‘shalar ilmsiz islom nimaligini, din nimaligini bilmaydigan kimsalardir. Mazkur illatlarning ortidan manfaat ko‘rayotgan ayrim kimsalar esa, dinni buzib talqin qilgan holda, dinni niqob qilib, buzg‘unchi va diniy aqidaparastlik g‘oyalarini ilgari surmoqda. Achinarlisi, bugungi kunda mazkur jinoyatlarning qurboniga aylanayotganlarning asosiy qismini, yoshlar tashkil qiladi. Sababi hali oq-qorani ajrata olmaydigan, dunyoqarashi shakllanmagan o‘g‘il — qizlarni to‘g‘ri yo‘ldan ozdirish, birmuncha oson. Yurtimizda inson sha’ni, qadr-qimmati yuksak e’tiborda. Bizning vazifamiz, mazkur illatlar tasiriga tushib qolmasligi uchun, dini islomni chuqurroq yetkazish va o‘rganishdir.

M.To‘rayev

Gurlan tuman «Qora Alam bobo» jome masjidi imom-noibi