Sayt test holatida ishlamoqda!
22 Fevral, 2026   |   5 Ramazon, 1447
search icon
Avvalgi sayt
ЎЗ РУ EN AR

Toshkent shahri
Tong
05:50
Quyosh
07:09
Peshin
12:42
Asr
16:22
Shom
18:09
Xufton
19:21
Bismillah
22 Fevral, 2026, 5 Ramazon, 1447
Avvalgi sayt
#search
 YouTube

Hech kim mehr va e’tibordan chetda qolmaydi

11.12.2019   2062   2 min.
Hech kim mehr va e’tibordan chetda qolmaydi

O‘zbekiston musulmonlari idorasi raisi, muftiy Usmonxon Alimov hazratlari va Din ishlari bo‘yicha qo‘mita raisi Abdug‘ofur Ahmedov Samarqand viloyatiga safarlari mobaynida hududdagi yordamga, mehr va muruvvatga muhtoj, jismoniy imkoniyati cheklangan kishilar bilan ham uchrashib, ular bilan dildan suhbat qurdilar.
Ularning dard va muammolariga quloq tutib, ehtiyojlarini qondirish uchun choralar qo‘llamoqda. Ana shunday xayriya tadbiri doirasida Samarqand viloyatidagi 50 nafar kam ta’minlangan, 30 nafar eshitish va gapirishida nuqsoni bor shaxslar, 20 nafar chin yetim bolalar, 10 nafar nogironligi bo‘lgan shaxslar, “Mehr” insonparvarlik operatsiyasi bilan ona-Vataniga qaytarilgan 2 nafar bola hamda avf etilgan 10 nafar fuqarolarga insonparvarlik yordamlari ko‘rsatilib, ularga “Vaqf” xayriya jamoat fondi tomonidan oziq-ovqat mahsulotlari, nogironlik aravachalari, kiyim-kechak, diniy-ma’rifiy mazmundagi adabiyot va boshqa sovg‘alar ulashildi.
Tadbir davomida ko‘ngli o‘ksik insonlarga ko‘rsatilgan mehr va e’tibor, ularning qalbiga shodlik olib kirdi. Buni ularning kulib turgan yuzlari va zavqqa to‘lgan ko‘zlaridan sezib olish qiyin emas edi.
Zero, mehr-muruvvat, hamjihatlik, saxiylik dinimiz ulug‘lagan, xalqimiz ardoqlagan, asrlar osha amal qilib kelayotgan go‘zal fazilatdir. Xayr-saxovat, saxiylik insonlar o‘rtasida mehr-oqibat rishtalarining mustahkamlanishiga, o‘zaro hurmat va totuvlikning ortishiga xizmat qiladi.

 

 

O‘zbekiston musulmonlari idorasi Samarqand viloyati vakilligi matbuot xizmati

O'zbekiston yangiliklari
Boshqa maqolalar
Yangiliklar

Mehr ulashgan Ramazon: ehtiyojmandlarga amaliy g‘amxo‘rlik

22.02.2026   253   1 min.
Mehr ulashgan Ramazon: ehtiyojmandlarga amaliy g‘amxo‘rlik

Ramazon oyi insonlar qalbida mehr-oqibat, saxovat va bag‘rikenglik tuyg‘ularini yanada mustahkamlaydigan ayni palladir.


Bu muqaddas oyda ehtiyojmand oilalarni qo‘llab-quvvatlash, ularning turmush farovonligini yaxshilash va jamiyatda o‘zaro g‘amxo‘rlik muhitini kuchaytirish muhim ahamiyat kasb etadi. Davlat tomonidan amalga oshirilayotgan ijtimoiy qo‘llab-quvvatlash choralari ana shu ezgu maqsadlarga xizmat qilmoqda.

Ramazon oyi munosabati bilan mamlakatimizda muhtoj oilalarni qo‘llab-quvvatlash maqsadida bir martalik moddiy yordam ajratilmoqda. Tegishli tartibga muvofiq, ehtiyojmand fuqarolarga 1 million va 500 ming so‘m miqdorida moliyaviy ko‘mak taqdim etilmoqda.
 

Mazkur tashabbus nafaqat moddiy yordam, balki davlatning aholiga bo‘lgan e’tibori, g‘amxo‘rligi va ijtimoiy mas’uliyatining amaliy ifodasidir. Ayniqsa, muqaddas oyda bunday ko‘makning yetkazilishi hududlardagi ko‘plab oilalar uchun katta ma’naviy qo‘llab-quvvatlash bo‘lmoqda.


Jumladan, Namangan viloyatida ham 68 mingdan ortiq oilaga bir martalik moddiy yordam yetkazilishi rejalashtirilgan. 
 

Joylarda bu jarayon izchil va manzilli tarzda amalga oshirilib, yordam haqiqatan ehtiyojmand aholi qatlamini qamrab olishga alohida e’tibor qaratilmoqda.


Bunday ijtimoiy qo‘llab-quvvatlash tadbirlari jamiyatda o‘zaro mehr-muruvvat muhitini mustahkamlab, inson qadri va farovonligini ta’minlashga qaratilgan islohotlarning amaliy natijasini namoyon etmoqda. Ramazon oyida ezgulik va saxovat har bir xonadonga kirib borayotgani esa bu ishlar samarasining yaqqol ifodasidir. 
 

Bunday savobli amallar respublikaning barcha tumanlarida davom ettiriladi. 

Muhayyo Toshqorayeva, O‘zA

Mehr ulashgan Ramazon: ehtiyojmandlarga amaliy g‘amxo‘rlik
O'zbekiston yangiliklari
#logo