Joriy yilning 10 noyabr kuni Qorachoy-Cherkasiyada Respublika Qur’oni karim musobaqasi tashkil etildi. Ushbu musobaqa natijalariga ko‘ra aniqlangan eng yaxshi qorilarga Haj yo‘llanmasi mukofot sifatida taqdim etilishi e’lon qilingan edi.
Qayd etilishcha, musobaqaning ikki nafar g‘olibiga Haj safari yo‘llanmasi beriladi. «Interfaks» agentligining Qorachoy-Cherkasiya musulmonlari idorasiga tayanib ma’lum qilishicha, Respublika musobaqasida 8 yoshdan 90 yoshgacha bo‘lgan ishtirokchilar qatnashgan.
Turli yosh guruhlari o‘rtasida tashkil etilgan musobaqada faxrli o‘rinlarni egallagan g‘oliblarga pul mukofotlari taqdim etilgan.
O‘zbekiston musulmonlari idorasi Matbuot xizmati
Yaqin Sharq mintaqasida yuzaga kelgan vaziyatning keskinlashuvi hamda havo makonidan foydalanish bo‘yicha joriy etilgan vaqtinchalik cheklovlar sababli qator aviaqatnovlar bekor qilinmoqda.
Shu munosabat bilan O‘zbekiston Respublikasi Tashqi ishlar vazirligi tomonidan fuqarolarga ushbu hududdagi davlatlarga safar uyushtirmaslik, ayni paytda, o‘sha yerlarda bo‘lib turgan vatandoshlarimizga esa ehtiyotkorlik choralarini kuchaytirish yuzasidan zarur tavsiyalar berilmoqda.
Mazkur vaziyatni inobatga olgan holda, fuqarolarimiz xavfsizligini ta’minlash maqsadida O‘zbekiston musulmonlari idorasi hamda turoperatorlar tomonidan tashkil etilayotgan umra safarlari vaqtincha kechiktiriladi.
Jumladan, 2026 yil 2 mart kuni O‘zbekiston musulmonlari idorasi tomonidan rejalashtirilgan Toshkent–Jidda yo‘nalishidagi navbatdagi umra ziyoratchilari reysi ham ma’lum muddatga qoldirilishini ma’lum qilamiz.
Aviaqatnovlar qayta tiklanishi haqida rasmiy manbalar orqali qo‘shimcha axborot beriladi.
Yurtdoshlarimizdan ushbu holatni to‘g‘ri qabul qilishlarini va rasmiy ma’lumotlarga tayanib ish yuritishlarini so‘raymiz.
O‘zbekiston musulmonlari idorasi Matbuot xizmati