Sayt test holatida ishlamoqda!
18 Dekabr, 2025   |    ,
search icon
Avvalgi sayt
ЎЗ РУ EN AR

Toshkent shahri
Tong
06:18
Quyosh
07:44
Peshin
12:25
Asr
15:15
Shom
17:00
Xufton
18:19
Bismillah
18 Dekabr, 2025, ,
Avvalgi sayt
#search
 YouTube

O‘rta maxsus islom ta’lim muassasalarida qabul imtihonlari bo‘lib o‘tmoqda

13.07.2019   4072   2 min.
O‘rta maxsus islom ta’lim muassasalarida qabul imtihonlari bo‘lib o‘tmoqda

O‘zbekiston musulmonlari idorasi tasarrufidagi barcha o‘rta maxsus islom ta’lim muassasalarida 2019-2020 o‘quv yili uchun 2019 yilning
13 iyul kuni qabul imtihonlari boshlandi. Bugungi kunda respublikamizda 9 ta o‘rta maxsus islom ta’lim muassasalari faoliyat olib bormoqda. Shundan, 7 tasi o‘g‘il bolalar uchun, 2 tasi ayol-qizlar uchun mo‘ljallangan.

Mazkur ta’lim muassasalariga 2019-2020 o‘quv yili bo‘yicha jami
4252 nafar abituriyent hujjat topshirgan bo‘lib, ushbu ko‘rsatkich o‘tgan 2018-2019 o‘quv yilida hujjat topshirgan abituriyentlar soniga nisbatan
2,5 barobarni tashkil etmoqda.

Joriy yildagi qabul jarayonlariga yuqori darajada tayyorgarlik ishlari ko‘rilgan bo‘lib, kirish test sinovlarini yanada shaffof, ochiq va oshkora o‘tkazilishini ta’minlash maqsadida joriy o‘quv yilidan boshlab, test sinovlari Davlat test markazi tomonidan o‘tkazilmoqda.

Bu yilgi test sinovlari barcha diniy ta’lim muassasalarida bo‘yicha maxsus tayyorlangan pavilonlarda o‘tkazilmoqda. Mazkur pavilonlarda test jarayonlarini kuzatib borish uchun kuzatuv kameralari o‘rnatilgan bo‘lib, test jarayonlari abituriyentlarning ota-onalari uchun katta monitorlar orqali to‘g‘ridan to‘g‘ri uzatib borilmoqda. Shuningdek, ota-onalarning dam olishlari uchun ham zarur shart-sharoitlar yaratilgan.

Abituriyentlarni binoga tartibli kiritish, ularning xavfsizligi va sog‘lig‘ini ta’minlash maqsadida Ichki ishlar, Milliy gvardiya va tibbiyot xodimlari jalb qilingan.

Test sinovlari ertalab soat 9:00 da boshlangan bo‘lib, 12:00 gacha davom etadi. Abituriyenlar o‘rta maxsus islom ta’lim muassasalariga o‘qishga kirish uchun “Chet tili”, “Tarix” va “Ma’naviyat asoslari” fanlari bo‘yicha test sinovlarini topshirmoqda.

 

 

 

 

 

 

 

O‘zbekiston musulmonlari idorasi

Ta’lim va kadrlar tayyorlash bo‘limi

O'zbekiston yangiliklari
Boshqa maqolalar

Abu Dabida oila qadriyatlariga bag‘ishlangan anjuman boshlandi

16.12.2025   12515   1 min.
Abu Dabida oila qadriyatlariga bag‘ishlangan anjuman boshlandi

15 dekabr kuni Birlashgan Arab Amirliklari Prezidenti tashabbusi bilan 2026 yil “Mustahkam oila yili” deb e’lon qilinishi munosabati bilan oila qadriyatlarini mustahkamlashga bag‘ishlangan xalqaro anjuman boshlandi. Unda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiligidagi delegatsiya ishtirok etmoqda. 

Konferensiya Qur’oni karim tilovati va “Oila – xalq yuragi” nomli videolavha namoyishi bilan boshlandi. Ochilish marosimida BAA Bag‘rikenglik va birdamlikda yashash vaziri Shayx Nahayon bin Muborak Ol Nahayon, Amirliklar Fatvo Kengashi raisi Abdulloh bin Bayya, Marokash podshohligi Vaqflar va Islom ishlari vaziri doktor Ahmad Tavfiq, Amirliklar Islom ishlari, vaqf va zakot bosh boshqarmasi raisi, doktor Umar Habtur ad-Dir’iy, Mavritaniya fatvo kengashi raisi, doktor Aslam bin Sayyid Mustafo, taniqli ulamolar, mashhur muftiylar va ilmiy-tadqiqotchilar kabi 300 nafardan ziyod ishtirokchi qatnashdi.

So‘zga chiqqan notiqlar Islom dinida oila mustahkamligiga katta e’tibor qaratilishi barobarida bugungi kunda oila masalasiga yanada jiddiy ahamiyat qaratishga katta urg‘u berishdi. 
Jumladan, shariat buyurganidek, inson nasl-nasabini saqlash, silai rahm qilish, ota-onani e’zozlash, jufti haloliga e’tirom ko‘rsatish, farzandlarni yaxshi tarbiyalash singari muhim vazifalarni keng targ‘ib etish, hozirgi xavf-xatarlar davrida oilani mustahkamlash, uning jamiyat rivojidagi o‘rni, birdamlik manbai ekanini tushuntirish kabi masalalar haqida so‘z bordi.

Shuningdek, raqamli texnologiyalar va sun’iy intellekt rivojlangan pallada oilaviy rishtalarni muhofaza qilish va mazkur taraqqiyot imkoniyatlaridan unumli foydalanish zarurligi, davr talabidan kelib chiqqan holda zamonaviy tahdidlarga javob beradigan, oila qadriyatlarini asrab-avaylaydigan, uning saodatini ta’minlaydigan dolzarb fatvolar ishlab chiqish lozimligi ta’kidlandi.

Anjuman davom etmoqda.

O‘zbekiston musulmonlari idorasi 
Matbuot xizmati