Bu yili muborak Ramazon oyida ko‘hna Samarqandda 115 ta masjidda xatmi Qur’on o‘tkazilmoqda. Ularda 129 nafar hofizi Qur’onlar Alloh taoloning Kalomini boshidan oxirigacha o‘qib bermoqdalar. Kuni kecha o‘n besh kunlikka mo‘ljallangan 45 ta masjidda xatmonalar bo‘lib o‘tdi.

Xatmona kechasiga tashrif buyurgan ulamolar, bosh imom-xatiblar jamoatga munavvar suhbatlar qilib bermoqdalar. Chin ixlos bilan  Kalomullohga some’ bo‘lgan namozxonlar xatmi Qur’ondan  so‘ng qilinadigan duolarning ijobatidan umid qilgan holda, ibodatlarning bekamu ko‘st qabul bo‘lishi, tinchlik-ofiyat, fayzu-baraka va xatolarni mag‘firat etilishini so‘rab duolarda bo‘ldilar.

O‘zbekiston musulmonlari idorasi Masjidlar bo‘limi