Dinimizda oila qurish, uni farohg‘at va baxt qo‘rg‘oni sifatida mustahkam saqlashga katta e’tibor qaratiladi. Bu borada shariat oila a’zolariga ma’lum huquq va majburiyatlarni yuklaydi. Zimmalaridagi haqlarini muqaddas bilib, ularga amal qilgan erkak va ayol jamiyatda go‘zal namuna bo‘lib, oxiratda saodat topuvchilardan bo‘ladilar.

 Afsuski, hozirda buzilayotgan oilalarning aksariyati uning a’zolarning asl haq va majburiyatlarini bilmasligi, bilsada, amal qilmasligi, qo‘yingki, johilligi sabab bo‘ladi.

Samarqand viloyati Jomboy tumanidagi “Ibrohim ota” jome masjidi imom-xatibi Anvar Ahmedov tumandagi “Oila markazi”da 48 nafar oila qurish arafasida bo‘lgan yoshlar bilan “Oila-muqaddas dargoh” mavzusida davra suhbati o‘tkazdi.

Imom domla yoshlarga dinimizda oilaning muqaddasligi, mas’uliyati nikohning muqaddasligi  islomda er va ayolning mushtarak huquq va majburiyatlari to‘g‘risida zaruriy bilimlarni berdi.

O‘zbekiston musulmonlari idorasi Masjidlar bo‘limi