Nur-Sulton shahrida xalqaro anjuman boshlandi
Bugun, 11 aprel kuni Qozog‘istonning Nur-Sulton shahrida “Ma’naviy ipak yo‘li, Islom va yoshlar: zamonaviy tahdidlar” mavzusidagi xalqaro anjuman o‘z ishini boshladi.
Mazkur anjumanda O‘zbekiston musulmonlari idorasi raisi, muftiy Usmonxon Alimov hazratlari, Rossiya muftiylar Kengashi raisi Ravil Gaynutdin, Qozog‘iston musulmonlari idorasi raisi, bosh muftiy Serikbay hoji Oraz, Qirg‘iziston musulmonlari idorasi raisi, muftiy Maksatbek Toktomushev, shuningdek, Xitoy, Moldova va Finlandiya musulmonlari yetakchilari, jami bo‘lib 14 ta davlatdan din peshvolari ishtirok etmoqda.
Saytimizda anjuman tafsilotlarini yoritib boramiz.
O‘zbekiston musulmonlari idorasi Matbuot xizmati
Hamdardlik bildiramiz
O‘zbekiston musulmonlari idorasi jamoasi Andijon viloyati bosh imom-xatibining xotin-qizlar masalalari bo‘yicha yordamchisi Shoiraxon hoji onaning umr yo‘ldoshlari Odiljon otaning vafoti munosabati bilan u kishining yaqinlariga chuqur ta’ziya izhor etadi.
Alloh taolo marhum otaxonning barcha solih amallarini o‘zlariga hamroh aylab, O‘z mag‘firatiga olsin. Haq taolo marhum otaxonning yaqinlari, farzandu arjumandlariga chiroyli sabr berib, bu musibatlariga ajru mukofotlar ato etsin.
O‘zbekiston musulmonlari idorasi jamoasi, ulamolari, imom-domlalari va o‘qituvchi-mudarrislari nomidan Shoiraxon hoji onaga, u kishining oila a’zolari, yor-birodarlari, yaqinlariga hamdardlik bildiramiz.
Innaa lillaahi va innaa ilayhi roji’uun.
«Musibat yetganda «Albatta, biz Allohnikimiz va albatta, biz Unga qaytuvchimiz», degan sabrlilarga xushxabar bering».
O‘zbekiston musulmonlari idorasi
Muslim.uz
- «
- »