Bugun, 4 fevral kuni Abu Dabi shahrida Insoniy birodarlik bo‘yicha o‘tkazilayotgan anjuman o‘z ishini davom ettirmoqda. Nufuzli tadbirda dunyoning barcha mamlakatlaridan kelgan taniqli ulamolar, mashhur muftiylar, professor-olimlar, davlat va din arboblari dolzarb ma’ruzalar o‘qimoqdalar.
Ushbu anjumanda notiqlar xalqlar o‘rtasida o‘zaro birdamlik, hamjihatlikni mustahkamlash, o‘zaro ahillikka erishish, turli ixtilof va firqachilikka barham berish kerakligi, har bir ishda odamlar manfaatini nazarda tutish zarurligiga alohida urg‘u qaratmoqdalar.
Mazkur anjuman juda ham murakkab bir davrda, dunyoda keskinlik va qarama-qarshilik avj olgan bir pallada o‘tkazilayotgani uning amaliy ahamiyatini yanada oshiradi.
Anjumanda O‘zbekiston musulmonlari idorasi raisi, muftiy Usmonxon Alimov hazratlari ishtirok etmoqda.
Anjuman ishini saytimiz orqali yoritib boramiz.











O‘zbekiston musulmonlari idorasi Matbuot xizmati
Bismillahir Rohmanir Rohiym
Rasululloh sollallohu alayhi vasallam: "Ro‘zadorga ikki xursandchilik bor. Qachon iftor qilsa, xursand bo‘ladi. Robbisiga yo‘liqqanida xursand bo‘ladi", dedilar (Imom Muslim rivoyati).
Ulamolar ushbu hadisning sharhida bunday deydilar:
"Birinchi xursandchilik - farz ibodatni salomat holda bajargani, Alloh taolo unga kuch-quvvat va tavfiq bergani, ko‘plab savoblarga ega bo‘lgani uchun bo‘ladi.
Ikkinchi xursandchilik - oxiratda Robbiga yo‘liqqanida tutgan ro‘zasi uchun berilgan ulkan savoblarni ko‘rganida bo‘ladi".