Qur’oni karimda maxluqotlar ichida eng mukarrami va mukammali inson ekani bayon etiladi (Isro surasi, 70-oyat, Tin surasi, 4-oyat). Barcha nozu ne’matlar inson uchun. Shu bois Alloh taolo bani basharni ongli qilib yaratdi.

Ong faqat insonga xos, desak yanglishamiz. Ayrim jonivorlar borki, ularning nomi Qur’oni karimda hamda hadisi shariflarda zikr etilgan. Hatto ularning jannatga kirishi aytilgan.

Abdurahmon Jomiy jannatga kiradigan o‘nta hayvondan biri “G‘or egalari”ning “Qitmir” degan itiga atab yozgan she’rida Rasululloh sollallohu alayhi va sallamga: “Agar g‘or egalarining iti jannatga kirsa, men ham kirishim kerak. U G‘or egalarining iti bo‘lsa, men Sizning sahobalaringizning itiman”, deydi.

Jannatga kiruvchi o‘n hayvon:

1. G‘or egalarining iti.

2. Yunus balig‘i (Yunus alayhissalomni yutgan baliq).

3. Ismoil alayhissalom o‘rniga qurbonlik qilingan qo‘chqor.

4. Solih alayhissalomning tuyasi.

5. Ibrohim alayhissalomning ho‘kizi.

6. Uzayr alayhissalomning ulovi (eshagi).

7. Sulaymon alayhissalomning chumolisi.

8. Sulaymon alayhissalomning Bilqisga yuborgan hudhudi.

9. Muso alayhissalomning sigiri.

10. Muhammad sollallohu alayhi va sallamning tuyasi.

Tolibjon NIZOM tayyorladi.