Bugun, 11 fevral kuni Toshkent viloyati Nurafshon shahri «Said ibn Vaqqos» jome masjidida namunaviy-amaliy tadbir bo‘lib o‘tdi.

Tadbir O‘zbekiston musulmonlari idorasi raisi o‘rinbosari Zayniddin domla Eshonqulov boshchiligida o‘tkazildi. 

Unda O‘zbekiston musulmonlari idorasi mas’ullari, Toshkent viloyati bosh imom-xatibi Jasurbek domla Raupov, vakillik xodimlari, tuman bosh imom-xatibi va otinoyilari, shuningdek, otinoyilar, “Haj – 2024” ziyoratchilari, mahallalar raislari ishtirok etdi.

Mahallalarga chiqilib, muammoli beshtadan oila o‘rganildi.

Tumandagi masjidlarda peshin namozidan so‘ng namozxonlarga O‘MI raisi o‘rinbosari Zayniddin domla Eshonqulov hamda Toshkent viloyati bosh imom-xatibi Jasurbek domla Raupov  mav’izalar qilib berishdi.

So‘ngra imomlarning yo‘nalishga oid hisobotlari tinglanib, xayrli duolar bilan tashrif o‘z nihoyasiga yetdi. 

O‘zbekiston musulmonlari idorasi
Toshkent viloyati vakilligi
Matbuot xizmati