O‘zbekiston Respublikasi Prezidenti Shavkat Mirziyoyevning 2017 yil 1 sentyabrdagi O‘zbekiston Qur’oni karim musobaqasini tashkil etish bo‘yicha bildirgan takliflari asosida musobaqa yuqori darajada tashkil etildi.

Qur’on musobaqasining shukuhi yurtimizda kezmoqda. Barcha aholi va xorijlik musulmonlarning ixlos bilan kutib turganlari O‘zbekiston Qur’oni karim tilovati musobaqasining Respublika bosqichini o‘tkazilish sanasiga ham biroz vaqt qoldi.

Musobaqaning Respublika bosqichi Toshkent shahri Talabalar shaharchasidagi “Yoshlar markazi”da 21-24 aprel kunlari (yigitlar) va 25-26 aprel kunlari (ayol-qizlar) o‘tkaziladi.

Musobaqada ishtirok etuvchi qori va qoriyalar Toshkent shahridagi mehmonxonalarga joylashtiriladi.

Musobaqani o‘tkazishda jamoat tartibi, yong‘in va yo‘l harakati xavfsizligini ta’minlashga alohida e’tibor qaratiladi.

O‘MI Matbuot xizmati