Hiro g‘ori muborak Makka shahridan 3,5 km uzoqlikda joylashgan. Uning uzunligi 3,5 metr, eniga esa 2 metrni tashkil etadi. Ushbu g‘orda Payg‘ambarimiz Rasululloh sollallohu alayhi vasallamga ilk vahiy nozil bo‘ldi. Qur’oni karimning quyidagi ilk besh oyatini Payg‘ambarimiz sollallohu alayhi vasallam qabul qilib oldilar:
«O‘qing (ey Muhammad! Butun borliqni) yaratgan zot bo‘lmish Robbingiz ismi bilan! (U) insonni laxta qondan yaratdi. O‘qing! Robbingiz esa karamlidir. U insonga qalam bilan (yozishni ham) o‘rgatdi. U insonga bilmagan narsalarini bildirdi», (Alaq surasi, 1-5-oyatlar).




Davron NURMUHAMMAD
tayyorladi
O‘zbekiston musulmonlari idorasida navbatdagi fuqarolar qabuli bo‘lib o‘tdi. Unda Diniy idora raisi o‘rinbosari Zayniddin domla Eshonqulov fuqarolarni qabul qildi.
Mazkur jarayonda fuqarolar tomonidan oilaviy munosabatlar, xayriya ishlarini tashkil etish, ijtimoiy ko‘mak va boshqa masalalarda qilingan murojaatlar tinglandi. Ellik nafarga yaqin murojaatchining har biri bilan ochiq va samimiy muloqot o‘tkazilib, ularni qiziqtirgan masalalar yuzasidan atroflicha tushuntirishlar berildi.
Ayrim murojaatlar joyida ijobiy hal etilgan bo‘lsa, qo‘shimcha o‘rganish talab etadigan masalalar tegishli bo‘lim va mas’ul xodimlarga yo‘naltirildi.
Shu bilan birga, murojaatchilarga qonunchilik va amaldagi tartiblar asosida huquqiy va amaliy tavsiyalar berildi. Hamyurtlarimiz qabul jarayonidan minnatdorligini bildirdi.
O‘zbekiston musulmonlari idorasi
Matbuot xizmati