Bugun, 10 iyul kuni Din ishlari bo‘yicha qo‘mita raisi Ortiqbek Yusupov hamda O‘zbekiston musulmonlari idorasi raisi, muftiy Usmonxon Alimov hazratlari Kavkaz musulmonlari idorasi raisi, Shayx-ul-Islom Ollohshukur Poshshozodaning taklifiga binoan, Ozarbayjon Respublikasining Baku shahriga jo‘nab ketdi.

O‘zbekiston delegatsiyasi tashrif davomida ikki diniy idora o‘rtasidagi mavjud aloqalarni yanada rivojlantirish va hamkorlik sohalarini kengaytirishi rejalashtirilgan.

Shuningdek, safar davomida vakillarimiz Ozarbayjonning bir qator davlat tashkilotlarida ham bo‘lib, u yerda uchrashuvlar o‘tkazishi belgilab qo‘yilgan.

O‘zbekiston delegatsiyasining Ozarbayjonga tashrifi 13 iyul kuniga qadar davom etadi.

O‘zbekiston musulmonlari idorasi

Xalqaro aloqalar bo‘limi