Ko‘k choy ichish mumkin bo‘lmagan holatlar
Ko‘k choy yurak ritmini izdan chiqarishi mumkin, qon bosimi past yuradigan kishilarda esa, uni yana pasaytirib yuborishi mumkin.
Mutaxassislarning so‘zlariga qaraganda, ba’zi kishilarga ko‘k choy ichish yaramaydi.
Bu xususan, yurak-qon tomir tizimida xastaligi bor kishilarga taalluqlidir.
Shuningdek, o‘nikkibarmoqli ichagida kasalligi bor kishilarga ham ko‘k choy ichish mumkin emas. Bunday holatda ko‘k choy ichish oshqozon va ichaklarga zarar yetkazadi.
Ko‘k choy ichishdan qalqonsimon bezlarida kasalligi bor kishilar ham o‘zlarini tiyishlari lozim. Emizikli onalar ko‘k choy ichishlari ularning tiniqib uxlashlariga zarar qiladi.
Ko‘k choyda mavjud bo‘lgan kofein va teofilin moddalari taxikardiya xastaligini keltirib chiqarishi mumkin va asab tizimi faoliyatini izdan chiqarishi mumkin.
Glaukoma va podagra kasalliklari bor kishilarga bu choyni ichish tavsiya etilmaydi.
Choy qancha ko‘p dam yesa, undagi purin kislotasi shunchalik ko‘payadi.
Bundan tashqari ko‘k choyni cheklanmagan ko‘p miqdorda ichish mumkin emas. Bu esa, buyraklarda tosh paydo bo‘lishi xavfini tug‘diradi.
Jaloliddin Nuriddinov tayyorladi
15 fevral 2017 yil
Namangan vakilligi yangi binosi foydalanishga topshirildi
Bugun, 30 iyul kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Namanganga safarlari davomida viloyat vakilligining yangi binosi ochilish marosimida ishtirok etdilar.
Muftiy hazratlari vakillik xodimlari va hududdagi diniy soha vakillarini yangi bino bilan muborakbod etib, bunday zamonaviy sharoitlar va diniy-ma’rifiy sohadagi islohotlar Prezidentimizning sohaga qaratayotgan alohida e’tibori natijasi ekanini ta’kidladilar.
Shuningdek, Shayx hazratlari bugun imom-xatiblar moddiy va ma’naviy qo‘llab-quvvatlanib, vakilliklarga alohida e’tibor qaratilayotgani, 100 nafar Prezident hojisi muborak safarga yuborilganini alohida e’tirof etdilar. So‘ng ushbu e’tibor va imkoniyatlarning qadriga yetib, yanada fidokorlik bilan mehnat qilish zarurligini uqtirdilar.
Tadbirda so‘zga chiqqan senator, “Nuroniy” jamg‘armasi Namangan viloyati bo‘limi raisi Ikromxon Najmiddinov vakillik ahlini yangi bino bilan qutlab, yaratilgan bunday muhtasham sharoitlar Yurtboshimiz tomonidan diniy-ma’rifiy sohada olib borilayotgan ezgu islohotlarning uzviy davomi ekanini alohida ta’kidladi.
Yig‘ilish davomida Diniy idoraning Namangan viloyat vakilligi yangi binosini barpo etishda alohida jonbozlik va fidokorlik ko‘rsatgan mutasaddilar tashakkurnoma bilan taqdirlandi. Shuningdek, Muftiy hazratlari tomonidan viloyat vakilligiga avtomashina sovg‘a qilindi. Ushbu xayrli ishga hissa qo‘shgan mutasaddilar hamda homiylar haqiga duo qilindi.
Safar asnosida Muftiy hazratlari va mehmonlar vakillik xodimlarining munosib faoliyat yuritishi uchun yaratilgan zamonaviy shart-sharoitlar va qulayliklarni ko‘zdan kechirib, amalga oshirilgan bunyodkorlik ishlaridan mamnun bo‘ldilar.
O‘zbekiston musulmonlari idorasi Matbuot xizmati
