2016 yil 3 noyabr kuni “Jo‘ybori Kalon” ayol-qizlar o‘rta maxsus islom bilim yurtida “FIQH – mashaqqatu qiyinliklardan najot beruvchi qo‘rg‘ondir” mavzusida intellektual bellashuv bo‘lib o‘tdi. Bellashuvni 2016 yilning “Eng yaxshi uslubchisi” bo‘lgan bilim yurti fiqh fani mudarrisasi Husnugul Halimova tashkillashtirdi.

Bellashuvda bilim yurti 3-kurs, 2-a va 2-b guruh talabalari o‘zaro bellashishdi. Ushbu tadbirga Buxoro Davlat Universiteti tarix fani kafedrasi katta o‘qituvchisi Mavjuda Oripova tashrif buyurib, bilim yurti faxriy ustozlari Aziza Xalilova va Oliya Mahmudova bilan bellashuvga hakamlik qilishdi.
Har bir shart juda qizg‘in fiqhiy masalalar, hayotiy muammolarni yechimini topish va ba’zi ixtilofiy masalalarni o‘rganish va ularga raddiyalar orqali  guruh a’zolarining javob berishlari kuzatildi. Tajribali ustoz izlanishlari samarasi o‘laroq bellashuv juda fayzli o‘tdi. 

Bellashuv natijalariga ko‘ra

1. “Hidoya” guruhi 1-o‘ringa;
2. “Viqoya” guruhi 2-o‘ringa;
3. “Abu Hafs Kabir izdoshlari” guruhi 3-o‘ringa sazovor bo‘lishdi.

Bellashuvda faol ishtirok etgan talabalar faxriy yorliq va esdalik sovg‘alari bilan taqdirlandilar.

Maxfuza BOZOROVA,

 “Jo‘ybori Kalon” ayol-qizlar o‘rta maxsus islom

bilim yurti Hadis fani o‘qituvchisi