Sayt test holatida ishlamoqda!
10 Iyun, 2025   |   14 Zulhijja, 1446
search icon
Avvalgi sayt
ЎЗ РУ EN AR

Toshkent shahri
Tong
03:05
Quyosh
04:50
Peshin
12:28
Asr
17:37
Shom
19:59
Xufton
21:36
Bismillah
10 Iyun, 2025, 14 Zulhijja, 1446
Avvalgi sayt
#search
 YouTube

23 savol

24.12.2024   3855   2 min.
23 savol

Bismillahir Rohmanir Rohiym

  1. Odamlarning eng olimi bo‘lishni istaysizmi? – Allohga taqvo qiling.
  2. Odamlarning eng boyi bo‘lishni istaysizmi? – Alloh bergan ne’matlariga qanoat qiling.
  3. Odamlarning eng adolatlisi bo‘lishni istaysizmi? – O‘zingizga yoqqan narsani boshqalarga ham ravo ko‘ring.
  4. Odamlarning eng yaxshisi bo‘lishni istaysizmi? – Insonlarga manfaat yetkazishga harakat qiling.
  5. Allohga eng yaqin banda bo‘lishni istaysizmi? – Alloh taoloni ko‘p zikr qiling.
  6. Iymoningiz komil bo‘lishini istaysizmi? – Xulqingizni go‘zal qiling.
  7. Muhsinlardan bo‘lishni istaysizmi? – Alloh taologa Uni ko‘rib turgandek ibodat qiling. Agar bunga qodir bo‘lmasangiz U Zot sizni ko‘rib turganini unutmang.
  8. Itoat etuvchilardan bo‘lishni istaysizmi? – Allohning farzlarini o‘z vaqtida ado eting.
  9. Qiyomat kuni yuzingiz nurli bo‘lishini istaysizmi? – Hech kimga zulm qilmang.
  10. Qiyomat kuni Alloh taolo sizga rahm qilishini istaysizmi? – Insonlarga rahm qiling.
  11. Alloh gunohlaringizni kechirishini istaysizmi? – Istig‘for ayting.
  12. Insonlarning eng saxovatpeshasi bo‘lishni istaysizmi? – Musibatingizni odamlarga bildirmang, ularga shikoyat qilmang.
  13. Odamlarning eng kuchlisi bo‘lishni istaysizmi? – Allohga tavakkul qiling.
  14. Alloh rizqingizni keng qilishini istaysizmi? – Doimo tahoratli holda yurishga odatlaning.
  15. Alloh va Uning Rasuliga muhabbatli bo‘lishni istaysizmi? – Alloh va Rasululloh sollallohu alayhi vasallam yaxshi ko‘rgan narsalarni yaxshi ko‘ring.
  16. Qiyomat kuni Allohning g‘azabiga uchramaslikni istaysizmi? – Alloh yaratgan birorta maxluqotga g‘azab qilmang.
  17. Duolaringiz qabul bo‘lishini istaysizmi? – Luqmangiz halol bo‘lishiga e’tiborli bo‘ling.
  18. Qiyomat kuni Alloh taolo ayblaringizni berkitishini istaysizmi? – Odamlarning ayblarini yashiring.
  19. Gunohlarni nima yuvib yuboradi? – Ko‘z yoshlar, xushu’-xuzu’ va bemorlik.
  20. Qaysi yaxshilik Alloh uchun eng sevimli? – Xusni xulq, tavoze’, musibatlarga sabr qilish.
  21. Allohning nazdida amallarning eng yomoni qaysi? – Axloqsizlik va baxillik.
  22. Allohning g‘azabini nima ketkazadi? – Maxfiy sadaqa va silai-rahm.
  23. Jahannam olovini nima o‘chiradi? – Balo-ofat va musibatlarga sabr qilish.

Davron NURMUHAMMAD

Boshqa maqolalar
Maqolalar

INSON QADRINING YANA BIR YAQQOL IFODASI

04.06.2025   11348   2 min.
INSON QADRINING YANA BIR YAQQOL IFODASI

Munosabat

Insonning qalbi birgina shirin so‘zdan quvonib, to‘lqinlanib ketadi: yayraydi, yashnaydi, boshqalarga ham ezgulik sog‘inadi, shodlik va baxt ulashadi.

Joriy yilning 31 may sanasida Prezidentimiz Shavkat Mirziyoyev Haj ziyorati uchun Makkai mukarramada bo‘lib turgan O‘zbekiston musulmonlari idorasi raisi, muftiy shayx Nuriddin Xoliqnazar bilan telefon orqali muloqot qilib, hojilar holidan xabar olgani qalblarimizga surur, xursandchilik va shukronalik baxsh etdi. Davlatimiz rahbari barcha ziyoratchilarga salom yo‘llab, yurtimizga sog‘-omon kelishlarini tiladi. Unutilmas bu voqelik hojilarimizni behad sevintirdi.

Shukrki, mamlakatimizda tinchlik-totuvlik barqaror. Har bir inson hayotdan rozi bo‘lib, baxtli-saodatli umr kechirishi uchun barcha imkoniyatlar mavjud. Mehnat qilgan, harakat qilgan farovon hayot kechirmoqda. O‘z orzu niyatlariga yetmoqda. Albatta, bunda osoyishtalik ne’matining o‘rni beqiyos.

Yangi O‘zbekistonning har tongi taraqqiyot tongi sifatida otmoqda. Barcha sohalarda yangilik va yaxshiliklar bo‘lmoqda. Jumladan, Haj va Umra tadbirlarini yuqori saviyada tashkil etish, mo‘min-musulmonlarning ushbu ibodatlarini chiroyli ado etishlari uchun sharoit va qulayliklar yangi bosqichga olib chiqildi.

Xususan, bu yilgi haj mavsumiga yuqori darajada tayyorgarlik ko‘rildi. Makkai mukarrama hamda Madinai munavvara, qolaversa, Mino vodiysida ziyoratchilar uchun barcha sharoit hozirlandi. Issiq kunlarda yurtdoshlarimizga qo‘shimcha qulaylik yaratish maqsadida Arafot hududidagi chodirlar yopiq tarzda barpo etildi. Ularning atrofi issiq o‘tkazmaydigan panellar bilan o‘raldi, ichkariga sovutish tizimi o‘rnatildi, gilam va to‘shaklar solindi.

Mamlakatimiz hojilariga ko‘rsatilayotgan e’tibor, ular uchun yaratilgan qulayliklarni Saudiya Arabistonining haj ishlari mas’ullari va o‘zga yurt hojilari ham e’tirof etib, havas bilan qaramoqda.

Ayni paytda ziyoratchilarga 300 dan oshiq guruh rahbari, 50 nafar oliy toifali shifokor, 10 dan ziyod oshpaz va boshqa mutaxassislar xizmat ko‘rsatib, hamrohlik qilmoqda.

Ziyoratchilarimiz berilayotgan e’tibor va g‘amxo‘rlikdan mamnun bo‘lib,  Yaratgandan mamlakatimiz tinchligi, xalqimiz farovonligini so‘rab duo qilmoqda.

Zotan, yurtimizda “Inson qadri uchun” degan ulug‘vor g‘oya barcha islohotlarning asosini tashkil etayotgan ayni pallada hojilarimiz ham ushbu jarayonga o‘z hissalarini qo‘shish, yurtimizga qaytgandan so‘ng bor kuch-g‘ayratlarini yurt tinchligi va taraqqiyoti, oilalar totuvligini ta’minlash, yoshlar ta’lim-tarbiyasi bilan shug‘ullanish, ehtiyojmandlarga ko‘mak berishdek savobli ishlarga safarbar etishlarini ta’kidlamoqdalar.

 

Zayniddin ESHONQULOV,

O‘zbekiston musulmonlari idorasi raisi

o‘rinbosari.

Maqolalar
#logo