Sayt test holatida ishlamoqda!
15 Oktabr, 2025   |   23 Rabi`us soni, 1447
search icon
Avvalgi sayt
ЎЗ РУ EN AR

Toshkent shahri
Tong
05:16
Quyosh
06:35
Peshin
12:14
Asr
15:59
Shom
17:46
Xufton
18:58
Bismillah
15 Oktabr, 2025, 23 Rabi`us soni, 1447
Avvalgi sayt
#search
 YouTube
Yangiliklar

So‘x tumanida namunaviy-amaliy tadbir o‘tkazildi

14.10.2025   1058   1 min.
So‘x tumanida namunaviy-amaliy tadbir o‘tkazildi

“Yangi O‘zbekistonning tinchlik va ma’naviyat targ‘ibotchilari bo‘lamiz” tashabbusi doirasida o‘tkazib kelinayotgan namunaviy-amaliy tadbirning navbatdagisi So‘x tumanida o‘tkazildi. Tadbirga Farg‘ona viloyati bosh imom-xatibi o‘rinbosari Alisher domla Naimov boshchilik qildi.

“Inoyatulloh” masjidida o‘tkazilgan tashkiliy yig‘ilishda tajribali imom-xatiblardan iborat Ishchi guruh tuzilib, ular o‘rtasida vazifalar taqsimlandi. Alisher domla amaliy ishlar yo‘nalishlari, guruh a’zolarining hamkorligi va mahallalarda olib boriladigan ma’naviy ishlar samaradorligini oshirish yuzasidan ko‘rsatmalar berdi.

Ishchi guruh faoliyati uch yo‘nalishda tashkil etildi. Jumladan, hojilar ishtirokida fuqarolar bilan suhbatlar o‘tkazildi, mahallaning muammoli xonadonlari aniqlandi va ularda targ‘ibot hamda amaliy yordam ishlari amalga oshirildi.

Tadbir davomida imom-xatiblar tomonidan ijtimoiy va ma’naviy ko‘makka muhtoj fuqarolar bilan ma’rifiy suhbatlar o‘tkazildi, arazlashgan oilalarni yarashtirish maqsadida olib borilgan suhbatlar natijasida ikki xonadonda ajrimning oldini olishga erishildi.

Shuningdek, ehtiyojmand, nogiron va keksa fuqarolar istiqomat qilayotgan xonadonlarga borilib, ularga moddiy yordam ko‘rsatildi.

Tadbir yakunida amalga oshirilgan ishlar tahlil qilinib, So‘x tumanida faoliyat yuritayotgan imom-xatiblarga mazkur tadbir doirasidagi ishlarni jadallashtirish bo‘yicha tavsiyalar berildi. 

 

Farg‘ona viloyati vakilligi Matbuot xizmati

So‘x tumanida namunaviy-amaliy tadbir o‘tkazildi So‘x tumanida namunaviy-amaliy tadbir o‘tkazildi So‘x tumanida namunaviy-amaliy tadbir o‘tkazildi So‘x tumanida namunaviy-amaliy tadbir o‘tkazildi So‘x tumanida namunaviy-amaliy tadbir o‘tkazildi
O'zbekiston yangiliklari
#logo
Boshqa maqolalar

“Yalla, ya hajji” nima degani?

14.10.2025   4273   1 min.
“Yalla, ya hajji” nima degani?

“Yalla, ya hajji” – Makkadagi Masjidul Haram xodimlari tomonidan ko‘p ishlatiladigan ibora bo‘lib, “ey hoji, yuring” degan ma’noni bildiradi. Bu so‘z ikki qismdan iborat:

  • Yalla (يلا) – “keling”, “yuring”, “harakatlaning” ma’nosida;
  • Ya hajji (حاجّ يا ) – “ey hoji” degani.

Shuning uchun, xodimlar “yalla, ya hajji” desa, “ey hoji, yuring!” yoki “hojilar, harakatlaninglar!” deyayotgan bo‘ladi.

Bu iborani asosan Masjidul Haramdagi xavfsizlik xodimlari odamlar oqimini boshqarish, tig‘izlikning oldini olish va ziyoratchilarning harakat ravonligini ta’minlash uchun qo‘llaydilar. Har kuni millionlab ziyoratchilar yig‘iladigan ushbu muqaddas maskanda harakatni muvofiqlashtirish juda muhim hisoblanadi.

Xavfsizlik xodimlari ba’zan “Yalla, hajji, tariyq!” deb ham murojaat qiladi. Bunisi “hoji, yuring, yo‘l bering!” degan ma’noni anglatadi. “Tariyq” (طريق) so‘zi “yo‘l” yoki “yo‘l bering” ma’nosida qo‘llanadi.

Haj va umra safarlariga borayotgan ziyoratchilar uchun arabchadagi ayrim iboralarni bilib olish juda foydali. Bu nafaqat xavfsizlik xodimlarining ko‘rsatmalariga to‘g‘ri amal qilishga yordam beradi, balki harakat jarayonidagi tartibni ham ta’minlaydi.

“Yalla hajji” – bu oddiy so‘z emas, balki Makkadagi tartib va hamjihatlik ramzidir. U hojilarni bir yo‘nalishda harakatlantirish, ularning xavfsizligini ta’minlash va ibodat muhitini osoyishta saqlash uchun qo‘llaniladigan iboradir.

T.Azimov