Sayt test holatida ishlamoqda!
03 Mart, 2026   |   14 Ramazon, 1447
search icon
Avvalgi sayt
ЎЗ РУ EN AR

Toshkent shahri
Tong
05:37
Quyosh
06:55
Peshin
12:40
Asr
16:31
Shom
18:20
Xufton
19:31
Bismillah
03 Mart, 2026, 14 Ramazon, 1447
Avvalgi sayt
#search
 YouTube
Yangiliklar

Ramazonning ilk kechasi yurtimiz masjidlari shukuh va tarovatga to‘ldi (fotolavha)

19.02.2026   7387   1 min.
Ramazonning ilk kechasi yurtimiz masjidlari shukuh va tarovatga to‘ldi (fotolavha)

#xabar 

Bugun yurtimiz bo‘ylab muborak Ramazon oyining ilk taroveh namozi asnosida boshlangan xatmi Qur’onlar ko‘tarinki ruh va o‘zgacha fayz ila ado etildi.


Jome masjidlarga jam bo‘lgan mo‘min-musulmonlar xufton namozidan keyin mohir qorilarimizning go‘zal qiroatlaridan bahra olib, duoyu iltijolar bilan qalblari munavvar bo‘ldi.


Jumladan, O‘zbekiston musulmonlari idorasi raisi, muftiy Shayx Nuriddin Xoliqnazar hazratlari bu yilgi ilk taroveh namozini Toshkent shahridagi "Hazrati Imom" jome masjidi jamoati bilan birga ado etdilar. 


Jamoat namozidan oldin Muftiy hazratlari ushbu jomega jam bo‘lgan mo‘min-musulmonlarga Ramazoni sharif va xatmi Qur’onning fazilatlariga oid ta’sirli mav’iza qilib berdilar. 


Eslatib o‘tamiz, ulug‘ oy davomida yurtimiz bo‘ylab 2101 ta masjidda ado etiladigan taroveh namozlari, xususan, 1762 ta jomeda o‘qiladigan xatmi Qur’onlar yurtimizga fayzu baraka yog‘ilishiga sabab bo‘ladi, insha Alloh.


Alloh taolo diyorimizdagi tinchlik va osoyishtalikni bardavom aylab, muborak oyni barchamiz uchun rahmat, mag‘firat va baraka oyi qilsin! 


O‘zbekiston musulmonlari idorasi Matbuot xizmati
 

Ramazonning ilk kechasi yurtimiz masjidlari shukuh va tarovatga to‘ldi (fotolavha) Ramazonning ilk kechasi yurtimiz masjidlari shukuh va tarovatga to‘ldi (fotolavha)
O'zbekiston yangiliklari
#logo
Boshqa maqolalar
Yangiliklar

Umra safarini vaqtincha kechiktirish haqida XABARNOMA

02.03.2026   3287   1 min.
Umra safarini vaqtincha kechiktirish haqida XABARNOMA

Yaqin Sharq mintaqasida yuzaga kelgan vaziyatning keskinlashuvi hamda havo makonidan foydalanish bo‘yicha joriy etilgan vaqtinchalik cheklovlar sababli qator aviaqatnovlar bekor qilinmoqda.

Shu munosabat bilan O‘zbekiston Respublikasi Tashqi ishlar vazirligi tomonidan fuqarolarga ushbu hududdagi davlatlarga safar uyushtirmaslik, ayni paytda, o‘sha yerlarda bo‘lib turgan vatandoshlarimizga esa ehtiyotkorlik choralarini kuchaytirish yuzasidan zarur tavsiyalar berilmoqda.

Mazkur vaziyatni inobatga olgan holda, fuqarolarimiz xavfsizligini ta’minlash maqsadida O‘zbekiston musulmonlari idorasi hamda turoperatorlar tomonidan tashkil etilayotgan umra safarlari vaqtincha kechiktiriladi.

Jumladan, 2026 yil 2 mart kuni O‘zbekiston musulmonlari idorasi tomonidan rejalashtirilgan Toshkent–Jidda yo‘nalishidagi navbatdagi umra ziyoratchilari reysi ham ma’lum muddatga qoldirilishini ma’lum qilamiz.

Aviaqatnovlar qayta tiklanishi haqida rasmiy manbalar orqali qo‘shimcha axborot beriladi.

Yurtdoshlarimizdan ushbu holatni to‘g‘ri qabul qilishlarini va rasmiy ma’lumotlarga tayanib ish yuritishlarini so‘raymiz.

O‘zbekiston musulmonlari idorasi Matbuot xizmati

O'zbekiston yangiliklari
#logo