Sayt test holatida ishlamoqda!
10 Noyabr, 2025   |   19 Jumadul avval, 1447
search icon
Avvalgi sayt
ЎЗ РУ EN AR

Toshkent shahri
Tong
05:44
Quyosh
07:05
Peshin
12:12
Asr
15:27
Shom
17:12
Xufton
18:27
Bismillah
10 Noyabr, 2025, 19 Jumadul avval, 1447
Avvalgi sayt
#search
 YouTube

Qur'onni 1,5 yilda yodlagan qoriya uni uch oyda to'liq ko'chirdi

08.01.2024   2093   1 min.
Qur'onni 1,5 yilda yodlagan qoriya uni uch oyda to'liq ko'chirdi

Misrlik yosh qiz Rihab Saloh ash-Sharif bir yarim yil ichida Qur'oni karimni to'liq yodlashga va uch oyda to'liq ko'chirib yozishga muvaffaq bo'ldi. Bu haqda IQNA sayti "Cairo-24" ga tayanib xabar berdi. U Misr shimolidagi Qina viloyatining Farshut shahrida yashaydi.

Ayni paytda 21 yoshli Rihab Misr Arab Respublikasining Asyut shahridagi "al-Azhar" universitetining adabiyot fakulteti uchinchi kurs talabasi bo'lib, arab tili va adabiyotini o'rganmoqda.

Ma'lum bo'lishicha, dastavval u Qur'oni karimni bir yarim yil ichida to'liq yodlashni o'z oldiga maqsad qilgan edi.

Qohiraning “Cairo-24” telekanaliga bergan interv'yusida u Qur'oni karimni "al-Azhar" universitetida tahsil olayotgan paytda yod olishni boshlagani, biroq bir yarim yil avval uni to'liq yod olishga qaror qilganini aytdi.

Rihab Qur'oni karimni faqat yodlash uchun yozishni boshlagani va bu muqaddas kitobni uch oyda yozib tugatganini ma'lum qilgan.

Qur'oni Karimni yozib, so'ng yodlash qadimdan Qur'on hofizlarining o'z xotiralarini mustahkamlash uchun qo'llagan usullaridan biri sanaladi.

O'zbekiston musulmonlari idorasi
Matbuot xizmati

Dunyo yangiliklari
Boshqa maqolalar

O‘zbekistonda "Bag‘rikenglik haftaligi" o‘tkaziladi

07.11.2025   5507   1 min.

Din ishlari bo‘yicha qo‘mita, Millatlararo munosabatlar va xorijdagi vatandoshlar masalalari bo‘yicha qo‘mitasi hamda qator vazirlik va idoralar hamkorligida 16 noyabr – Xalqaro bag‘rikenglik kuni munosabati bilan joriy yilning 10-15-noyabr kunlari respublikaning barcha hududida "Bag‘rikenglik haftaligi" o‘tkaziladi.

Haftalikni o‘tkazishdan ko‘zlangan maqsad – mamlakatimizda millatlararo totuvlik, dinlararo hamjihatlik va bag‘rikenglik muhitini yanada mustahkamlash, fuqarolar o‘rtasida o‘zaro hurmat va birdamlik fazilatlarini targ‘ib etishdan iborat.

Haftalik doirasida viloyatlar va Toshkent shahridagi nufuzli tomosha maydonlari, so‘lim hiyobonlar va bog‘larda turli madaniy, ilmiy-amaliy va ma’rifiy tadbirlar, "O‘zbekiston – bag‘rikeng diyor" shiori ostida konsert dasturlari, foto ko‘rgazmalar, qardosh xalqlar yozuvchi-shoir va rassomlarining badiiy asarlari taqdimoti, turli ekskursiyalar, sport o‘yinlari, intellektual va boshqa turdagi musobaqalar o‘tkaziladi.

Barcha yurtdoshlarimizni bag‘rikenglik, hamjihatlik va totuvlik bayramini birgalikda nishonlashga chorlaymiz!

Din ishlari bo‘yicha qo‘mita Axborot xizmati