Madinai Munavvaradagi Masjidun Nabaviyda o'tgan haftada misli ko'rilmagan 5 milliondan ortiq kishidan iborat namozxon ziyorat va ibodatlarni amalga oshirganini qayd etdi.

Masjidul Harom va Masjidun Nabaviy ishlari bo'yicha Bosh boshqarma ma'muriyati ma'lumotlariga ko'ra, shu yil 8-15 dekabr' kunlari bir hafta davomida masjidga 5 million 119 ming namozxon va ziyoratchi tashrif buyurgan. Ulardan 501 938 nafari Payg'ambarimiz Muhammad sallollohu alayhi vasallam qabrini ziyorat qilishga muvaffaq bo'ldi, deb yozadi “IslamNews” “GulfNews” matbuotiga tayanib.

Madinai Munavvaraning muqaddas maskanlarini ziyorat qilgan musulmonlar orasida 15 295 nafar keksa va nogiron mehmon bor edi.
Bir hafta davomida 87 mingdan ortiq ziyoratchi o'nlab tillardagi tarjimonlar xizmatidan foydalandi.

Hafta davomida 13 584 kishi Masjidun Nabaviy kutubxonasiga tashrif buyurdi. 4783 nafar kishi esa buyuk masjid hududidagi muzey va ko'rgazmalarni tomosha qildi.

O'zbekiston musulmonlari idorasi
Matbuot xizmati