18 aprel' kuni bo'lib o'tgan Halqaro yodgorliklarni va tarixiy joylarni asrash kunini nishonlash uchun qirol Abdulaziz jamoat kutubxonasi payshanba kuni Ar-Riyodda islom va arab madaniyatining boy tarixini namoyish etadigan noyob muqaddas Qur'onlar ko'rgazmasini o'tkazdi.

Islam.ru xabariga ko'ra, kollektsiya 267 ta Qur'on va 20 ta qimmatli muzey nusxasidan iborat bo'lib, ularning aksariyati hijriy 10-13 asrlar oralig'ida, ya'ni eramizning 15-19 asrlari oralig'ida yozilgan.

Kutubxonada noyob tangalar va xattotlik san'atini qo'shganda arab va islom merosi tasvirlangan boshqa kollektsiyalar ham mavjud.

Ko'rgazmada taqdim etilgan noyob Qur'on 30 varaqdan iborat. Birinchi foliant yorqin ranglar va oltin suvdan foydalangan holda gul naqshlari bilan bezatilgan.

Qolgan sahifalar butunlay zarhal qilingan va yon ramkalarda milodiy 1240 yoki milodiy 1824 yillarda yaratilgan nasx xati bilan rangli va zarhal gul naqshlari mavjud.

1025 hijriy yoki 1616 milodiy Ramazon oyida Ka'ba qarshisida Makkada yozilgan Al-Fotiha surasidan tortib to Nas surasigacha bo'lgan yana bir to'liq Qur'on kollektsiyaning bir qismi hisoblanadi.

Shuningdek, turli xil gulli bezaklar bilan hind Qur'onlari, shuningdek, xitoy, kashmir va mamluk ishlab chiqarishidagi ajoyib namunalar mavjud.

O'zbekiston musulmonlari idorasi matbuot xizmati