muslim.uz
Ислом цивилизацияси марказига тамал тоши қўйилди
Президент Шавкат Мирзиёев 15 июнь - Рамазон ҳайити куни Ислом цивилизацияси маркази қурилиш майдонига ташриф буюрди.
Ислом цивилизацияси марказига тамал тоши қўйилдиДавлатимиз раҳбари ўтган йили 1 сентябрь куни пойтахтимиздаги Ҳазрати Имом мажмуасида бўлиб, мазкур марказ қурилиши, мақсад ва вазифалари юзасидан кўрсатмалар берган эди. Шу асосда мазкур қадимий мажмуа ёнидан ўн гектарга яқин жой ажратилди. Лойиҳа ишлаб чиқилиб, ҳудуд қурилишга тайёрланди.
15 июнь куни Президент Шавкат Мирзиёев Ислом цивилизацияси маркази пойдеворига рамзий тамал тоши қўйди.
Давлатимиз раҳбари тадбирга йиғилган диний уламолар ва барча юртдошларимизни Рамазон ҳайити билан табриклаб, марказ қурилишининг шундай улуғ айём кунида бошланаётгани замирида эзгу ният, чуқур мазмун борлигини таъкидлади.
Бу марказни қуришдан мақсад ислом маърифатини ўрганиш, боболаримизнинг буюк меросини авваламбор халқимизга, дунё ҳамжамиятига етказишдир. Худо хоҳласа, ҳамма саъй-ҳаракатларимиз ёшлар таълим-тарбиясига, илм-фанга, маданиятга, тинчлик-осойишталикка замин яратади, деди Президент.
Ўзбекистон Республикаси Вазирлар Маҳкамаси ҳузурида фаолият юритадиган ушбу марказнинг асосий ғояси аждодларимизнинг ислом дини ривожига улкан ҳиссасини тарғиб этиш, жаҳолатга қарши маърифат билан курашишдир. Шу мақсадда бу ерда музей ташкил этилади, илмий фаолият йўлга қўйилади. Ватанимиздан етишиб чиққан олим ва мутафаккирлар меросининг тарихий ва замонавий цивилизациядаги ўрни тадқиқ этилади. Уларнинг илмий-маънавий жасорати, улуғ инсоний фазилатлари кенг тарғиб қилинади. Мумтоз адабиёт ва санъат намояндалари ижодининг инсонпарварлик моҳияти чуқур очиб берилади.
Марказ биноси юртимиздаги қадимий мадрасалар кўринишида, гумбазли қилиб қурилади. Кутубхона, ахборот-ресурс маркази, илмий кафедралар, конференция зали, хизмат хоналари ва бошқа объектларни ўз ичига олади.
Биз шундай буюк мероснинг давомчилари бўла туриб, илмда ортда қолдик. Бугунги ташаббусларимиз, бошлаган ишларимизни барча мусулмон мамлакатлари тан оляпти. Энди шунга муносиб бўлишимиз, илм-маърифатда ўрнак бўлишимиз керак, деди давлатимиз раҳбари.
Жамиятимизда меҳр-оқибат муҳитини яратиш, адашганларни авф этиш, имом-хатиблар малакасини ошириш, ёшлар тарбиясига эътиборни кучайтириш бўйича тавсиялар берилди.
Манба: http://prezident.uz
Вақф хайрия жамоат фонди 62 миллион сўмдан ошиқ закот маблағларини ўз эгаларига етказди
Вақф хайрия жамоат фонди кеча ва бугун операция қилиш керак бўлган оғир беморларга, уй жойи йўқ моддий ёрдамга муҳтож оилаларга, кўп болали даромади йўқ оилаларга, фарзанди ёки яқин инсони жазони ижро этиш муассасасида бўлган жами ҳисобда 43 та оилага фонднинг закот, фитр, ушр, фидя ҳисоб рақамидан 62 200 сўмлик ёрдам кўрсатилди.
Ундан ташқари фонднинг Фарғона, Хоразм, Сурхондарё, Қашқадарё вакилликлари моддий ёрдамга муҳтож ҳамда бемор бўлган 80дан ошиқ оилаларга озиқ-овқат ва кийим-кечак улашдилар.
Фонд бошқари раҳбари бошчилигида Олмазор туманидаги муҳтож ва бемори бор хонадонларнинг ҳолидан хабар олинди.
Закот маблағларини ўз эгаларига етказиш ишлари давом этмоқда.
Қайд этиш керак, 14 июнь куни фондга келиб тушган маблағлар ярим миллиарддан ошгани хабар қилинган эди.
Эслатиб ўтамиз, «Вақф» хайрия жамоат фонди Ўзбекистон Республикаси президентининг 2018 йил 16 апрелдаги «Диний-маърифий соҳа фаолиятини тубдан такомиллаштириш чора-тадбирлари тўғрисида»ги ПФ-5416-сон Фармони бўйича ташкил этилган бўлиб у ўз олдига масжидлар ва диний таълим муассасаларининг биноларини қуриш, таъмирлаш, реконструкция қилиш, диний таълим муассасалари профессор-ўқитувчилари, тадқиқотчилари, мутахассислари ва ўқувчи-талабаларини моддий ва ижтимоий қўллаб-қувватлаш, аҳолининг ижтимоий ҳимояга муҳтож қатламлари, шу жумладан, имконияти чекланган шахсларни моддий ва маънавий қўллаб-қувватлаш каби бир қатор ишларни мақсад қилиб қўйган.
“Вақф” хайрия жамоат фондига пул ўтказиш усуллари:
1.Click, PayMe, MBank, UPay тўлов мобил илова орқали:
*880*1100# ussd ёки Click Uzbekistan иловаси ва @Clickuz телеграм боти орқали;
2.Жисмоний шахслар томонидан банк кассалари орқали нақд пул топшириш ва пластик карталаридан фонд махсус хисоб варақларига чиқим қилиш орқали;
3.Тижорат банклари инфокиослари орқали нақд пул ва пластик карта (“Вақф” фонди махсус хисоб варақлари интерфейсга киритилган) чиқим қилиш орқали;
4.Юридик шахслар томонидан “Хайрия” ва “Вақф” махсус хисоб варақларига шартнома орқали;
5.Юридик шахслар томонидан “Закот”, “Хайрия” ва “Вақф” махсус хисоб варақларига ўз ходимларининг ойлик иш хақлари ва корхона таъсисчиларининг дивидендлари хисобидан тўлов қилиш орқали;
БАНК РЕКВИЗИТЛАРИ:
“Вақф” хайрия жамоат фонди, СТИР 207276595
АТИБ “Ипотека-банк” Юнусобод филиали, МФО 00837,
Сумда:
ҳ/р: 20212000000881753002 «Хайрия» учун;
х/р: 20212000100881753003 «Закот, фитр, ушр, фидя» учун;
ҳ/р: 20212000300881753004 «Вақф» учун.
АҚШ долларида:
acc. 20212840600881753002 in AKIB “IPOTEKA-BANK”, Unus abad branch,
branch code 00837, SWIFT UZHOUZ22, Addres: Uzbekistan, Tashkent city, Amir Temur 89
Бундан ташқари мусулмонларга республикамизнинг барча вилоятларида тижорат банкларининг инфокиосклари орқали нақд пул топшириш ва пластик карталардан чиқим қилиш орқали молиявий ибодатларини адо этиш имконияти яратилди.
Вақф хайрия жамоат фонди матбуот хизмати
Вақф хайрия жамоат фондига келиб тушган маблағлар ярим миллиард сўмдан ошди
Вақф хайрия жамоат фонди ҳисобига 14 июнь куни 256 954 390 (икки юзи эллик олти миллион тўққиз юз эллик тўрт минг уч юзи тўқсон) сўм келиб тушди.
Шундан:
Хайрия учун: 3 924 775 сўм;
Закот, ушр, фитр ва фидя учун: 251 297 368 сўм;
Вақф учун: 1 732 247 сўм келган.
Умумий ҳисобда фонднинг ҳисоб рақамида 525 563 552 (беш юзи йигирма беш миллион беш юзи олтмиш уч минг беш юзи эллик икки) сўм йиғилди.
14 июнь куни закот, ушр, фидя, фитр маблағларини ўз эгаларига етказиш бошланди. Бу бўйича батафсил маълумот берилади.
“Вақф” хайрия жамоат фондига пул ўтказиш усуллари:
1.Click, PayMe, MBank, UPay тўлов мобил илова орқали:
*880*1100# ussd ёки Click Uzbekistan иловаси ва @Clickuz телеграм боти орқали;
2.Жисмоний шахслар томонидан банк кассалари орқали нақд пул топшириш ва пластик карталаридан фонд махсус хисоб варақларига чиқим қилиш орқали;
3.Тижорат банклари инфокиослари орқали нақд пул ва пластик карта (“Вақф” фонди махсус хисоб варақлари интерфейсга киритилган) чиқим қилиш орқали;
4.Юридик шахслар томонидан “Хайрия” ва “Вақф” махсус хисоб варақларига шартнома орқали;
5.Юридик шахслар томонидан “Закот”, “Хайрия” ва “Вақф” махсус хисоб варақларига ўз ходимларининг ойлик иш хақлари ва корхона таъсисчиларининг дивидендлари хисобидан тўлов қилиш орқали;
БАНК РЕКВИЗИТЛАРИ:
“Вақф” хайрия жамоат фонди, СТИР 207276595
АТИБ “Ипотека-банк” Юнусобод филиали, МФО 00837,
Сумда:
ҳ/р: 20212000000881753002 «Хайрия» учун;
х/р: 20212000100881753003 «Закот, фитр, ушр, фидя» учун;
ҳ/р: 20212000300881753004 «Вақф» учун.
АҚШ долларида:
acc. 20212840600881753002 in AKIB “IPOTEKA-BANK”, Unus abad branch,
branch code 00837, SWIFT UZHOUZ22, Addres: Uzbekistan, Tashkent city, Amir Temur 89
Бундан ташқари мусулмонларга республикамизнинг барча вилоятларида тижорат банкларининг инфокиосклари орқали нақд пул топшириш ва пластик карталардан чиқим қилиш орқали молиявий ибодатларини адо этиш имконияти яратилди.
ЎМИ Матбуот хизмати
"Ҳазрати Имом"да ҳайит манзаралари
ЎМИ Матбуот хизмати
Рамазон ҳайити муборак бўлсин!
بسم الله الرحمن الرحيم
الحمد لله رب العالمين والصلاة والسلام على أشرف المرسلين
وعلى آله وأصحابه أجمعين وبعد
Азиз юртдошлар, Сизларни Ўзбекистон мусулмонлари идораси ва ўз номимдан Рамазон ҳайити билан самимий муборакбод этаман. Ушбу саодатли кунларда Аллоҳ таборака ва таолодан тутган рўзаларимиз қабул, ибодатларимиз мақбул ва дуоларимиз мустажоб бўлишини сўраймиз.
Ниҳоясига етаётган Рамазон ойи мамлакатимизда улкан ислоҳотлар амалга оширилаётган ажойиб бир даврда ўтмоқда. Аллоҳга шукрки, ушбу шарофатли ой диёримизда жуда ҳам файзли, қут-баракали кечди. Икки мингдан ортиқ масжидларда таровеҳ намозлари, мингдан зиёд жомеларда Қуръон хатмлари адо этилди.
Дарҳақиқат, инсон рўза тутиб, савобли амалларни адо этар экан ушбу ибодатларни фақат Аллоҳ таоло учун бажаришни ният қилади. Парвардигорнинг розилигини топиш, раҳмат-мағфиратига етишишни умид қилади. Пайғамбаримиз соллаллоҳу алайҳи ва саллам Рамазон ойининг фазли ҳақида бундай марҳамат қиладилар:
“Ким Рамазон рўзасини имон билан савоб умидида тутса, ўтган гуноҳлари кечирилади”.
Ушбу ой улуғлигининг яна бир ҳикмати бу ойда Қуръони карим нозил бўлганидир. Ҳақ таоло Каломи шарифида бундай дейилади:
“Рамазон ойи – одамлар учун ҳидоят манбаи ва тўғри йўл ҳамда ажрим этувчи ҳужжатлардан иборат Қуръон нозил қилинган ойдир.”
Рамазон ойи кечаларида мусулмонларимиз ушбу ойнинг зийнати бўлган таровеҳ намозларида иштирок қилдилар. Қалблари илоҳий ҳикматга тўлиб, руҳий-маънавий қувват олдилар. Расулуллоҳ соллал-лоҳу алайҳи ва саллам бу ойнинг кечаларини ибодат ила ўтказган-ларга хушхабарлар борлигини айтиб:
“Ким Рамазон кечалари имон билан савоб умидида қоим бўлса, ўтган гуноҳлари кечирилади”, деб марҳамат қилганлар.
Рамазон хайру саховат ойидир. Олийҳиммат кишиларимиз бу ойда хайру эҳсон амалларини янада кўпайтиришди. Мўмин-мусулмонлар бир-бирларига кўмак бердилар, муҳтожларга ёрдам қўлини узатдилар, беморлар ва кексаларнинг ҳолидан хабар олдилар.
Ҳадиси шарифда:
“Амалларнинг энг афзали мўмин кишининг қалбига хурсандчилик улашишдир”, деб марҳамат қилинган.
Аллоҳ таборака ва таолога шукрки, муборак ой бошланиши олдидан муҳтарам Президентимизнинг диний-маърифий соҳа фаолиятини такомиллаштириш тўғрисидаги тарихий фармонлари эълон қилинди. Ушбу Фармон билан халқаро ислом академияси, “Вақф” хайрия жамоат фонди, Ҳадис илми мактаби ташкил этилди ҳамда диний соҳа ходимларига бир қатор имтиёзлар берилди.
Юртимизда ўтказилган Қуръони карим мусобақасини кузатиб, халқимизнинг Аллоҳ таолонинг Каломига эҳтироми, муҳаббати юқори эканига яна бир бор амин бўлдик.
Баракотли ой арафасида мамлакатимизнинг турли ҳудудларида янги масжидлар халқимизга туҳфа этилди. Азим пойтахтимиздаги қайта бунёд этилган “Имом Термизий”, Бухорои шарифдаги “Умар ибн Хаттоб” жоме масжидлари таровеҳ намозини адо этиш билан иш фаолиятини бошлагани мўмин-мусулмонларимизга Рамазон туҳфаси бўлди. Тошкент шаҳридаги “Сузук ота” ва “Шайх Муҳаммад Содиқ Муҳаммад Юсуф” жоме масжид-мажмуалари қурилиш ишлари жадал давом эттирилмоқда.
Албатта, бундай шароит ва имкониятлар учун биз – мўмин-мусулмонлар Аллоҳ таолога чексиз шукроналар айтиб, ўзаро аҳил ва иноқ бўлишимиз лозим, елкама-елка туриб мамлакатимиз тараққиёти йўлида бор куч ва ғайратимизни аямаслигимиз керак. Ҳадиси шарифда айтилганидек: “Ким одамлардан келаётган яхшиликка шукр қилмаса, Аллоҳга шукр келтирмайди”. Ношукрлик, ғийбат, туҳмат каби иллатлар биз – мўмин бандаларга асло ярашмайди. Огоҳ бўлишимиз керакки, бундай қусрлар савобларимизни ўчиради, имонимизни заифлаштиради, қалбимизни ихтилофли қилиб қўяди. Аллоҳ таоло бундай ҳолдан Ўзи асрасин.
Азизлар, юртимизда эртага катта байрам, Ийди Рамазонни нишонлаймиз. Эрта тонгдан жоме масжидларига йўл олган юртдошларимиз ҳайит намозларини адо этадилар, юртимиз тинчлиги, осмонимиз мусаффолигини Аллоҳдан сўраб, эзгу дуолар қиладилар. Ҳайит намозидан сўнг ота-оналар, дўсту биродарлар, табаррук ёшдаги кексалар зиёрат қилинади, беморларнинг ҳолидан хабар олинади, меҳру мурувватга муҳтож кишиларга эътибор кўрсатилиб, уларга байрам қувончи улашилади.
Шундай экан, келинг азизлар, Аллоҳнинг раҳмати ва баракоти ёғилиб турган ушбу дамда, қалбимиз юмшаб, ихлосимиз ортиб турган лаҳзаларда дуо қилайлик: Парвардигоро, бизга тинчликдек улуғ неъматни бердинг, бу неъматингни Қиёматгача бардавом қилгин. Элини, юртини янги марралар сари дадил етаклайдиган ва динимизни азиз қиладиган Раҳбарни бердинг, у кишини Ўз ҳифзу ҳимоянгда асрагин, олиб бораётган ишларида Ўзинг ёру мададкор бўлгин! Халқимизни, жонажон Ватанимизни офату кулфатлардан, балою қазолардан Ўзинг паноҳингда сақлагин. Осмонимизни мусаффо, ҳаётимизни бундан-да фаровон, неъматларингни янада зиёда айлагин.
Азиз юртдошлар, Рамазон ҳайитингиз муборак бўлсин!
Вассаламу алайкум ва раҳматуллоҳи ва баракотуҳ.
Усмонхон АЛИМОВ,
Ўзбекистон мусулмонлари идораси раиси, муфтий