Мамлакатимизнинг Жидда шаҳридаги Бош консулхонаси томонидан Саудия Арабистони Подшоҳлиги Ҳаж ва умра вазирининг халқаро ҳамкорлик бўйича ўринбосари Ҳасан Алламнахра билан учрашув ташкил этилди, деб хабар қилмоқда “Дунё” АА мухбири. Унда икки томонлама ҳамкорликка оид қатор муҳим масалалар мулоқотларнинг асосий мавзуси бўлди.
Суҳбат аввалида Ҳ.Алламнахра жорий йил 27-30 сентябрь кунлари Саудия Арабистонининг Ҳаж ва умра масалалари бўйича вазири Тавфиқ ар-Рабиъа бошчилигидаги делегациянинг Ўзбекистонга ташрифи муваффақиятли ва самарали кечганини таъкидлар экан, Саудия делегациясининг Ўзбекистон Президенти томонидан қабул қилингани, Тошкентда ўтказилган икки томонлама самарали учрашувлар ва ўзбекона меҳмондўстлик учун чуқур миннатдорлик изҳор этди.
Суҳбатдош Тошкентдаги учрашувларда кўтарилган муҳим масала - Макка ёки Жидда шаҳрида “Имом Бухорий юрти авлодлари” мавзусидаги халқаро конференция ва кўргазмани ташкил этиш атрофлича ўрганиб чиқилаётгани ва бунда Саудия вазирлик ва идоралари ҳамда Бутунжаҳон мусулмонлар уюшмаси фаол иштирок этаётганини маълум қилди.
Ўзбекистон томонидан Умра мавсумида мамлакатимиздан Саудия Арабистонига келаётган зиёратчиларнинг сони ортиб бораётгани ва уларга Подшоҳлик ҳукумати яратаётган шароитлар юқори баҳоланди.
Шу ўринда Ўзбекистонда сайёҳлик индустриянинг ривожланиб бораётгани таъкидланар экан, Саудия Арабистонидан ҳам Тошкентга келаётган сайёҳларнинг сонини оширишга эътибор қаратиш муҳимлиги алоҳида қайд этилди.
Суҳбат чоғида Ҳасан Алламнахра “агар саудияликлар Ўзбекистоннинг сайёҳлик салоҳиятини янада яқиндан билганларида улар Европа давлатларига эмас, балки Имом Бухорий ватанини зиёрат қилар эдилар”, деди.
Мулоқот чоғида мамлакатимиз сайёҳлик салоҳиятини Саудияда кенг тарғиб этиш, Ўзбекистон туркомпаниялари томонидан оилавий туристик пакетларнинг ишлаб чиқилишидаги афзалликлар, Жидда шаҳрида Ҳаж ва умра масалаларига бағишланган халқаро конференция ташкил этилиши ҳамда унинг ишида мамлакатимиз вакиллари иштироки билан боғлиқ ва кун тартибидаги бошқа долзарб масалалар атрофлича муҳокама этилди.

Ўзбекистон мусулмонлари идораси матбуот хизмати

Чуст туманидаги "Саид Насимхон тўра"  жомеъ масжиди имоми Нуруллоҳ Маҳкамов

Муҳаммаджон домла Ўтаев

Бухоро шаҳар

"Ойбинок" жоме масжиди имом-хатиби

Шу кунларда АҚШда бўлиб турган Шукруллоҳ домла Эгамбердиев ва Қамариддин қори Баҳриевлар мамлакатимизнинг АҚШдаги элчихонаси ва Нью-Йоркдаги бош консулхонаси ташаббуси билан Нью-Йорк шаҳридаги ватандошлар билан учрашиб, жума, аср ва шом намозларида улар билан суҳбат қилиб, бошқа тадбирларда ҳам иштирок этишди.

Жумладан, Нью-Йорк ва Нью-Жерси штатида истиқомат қилаётган фуқаролар учун “Абу-Ханифа” масжидида “Mahalla USA” ташкилоти раҳбарлари ва фаол ватандошлар турли маросимлар уюштиришди. Унда бир-неча минглаб ватандош ва хорижий фуқаролар қатнашди.

“Абу-Ханифа” масжидида жума намози сўзга чиққан мутасадди вакиллар АҚШда ўзбек жамиятлари сони кўпайиб бораётгани, шу сабаб АҚШдаги ватандошлар учун динимизни ўрганиш ва тарғиб қилиш мақсадида ушбу хайрия тадбирлари ташкил этилаётганини таъкидлаб, унда барчани фаол қатнашишга чақирди.

Шундан сўнг уламоларимиз юртимизда сўнгги йилларда диний соҳада амалга оширилаётган ишлар, фуқароларимиз диний эркинларини таъминлаш йўлида ташкил этилаётган кўплаб янгилик ва имкониятлар ҳақида сўзлаб берди.

Шунингдек, ҳукуматимиз томонидан ўзбек делегацияларининг турли давлатларда истиқомат қилаётган ватандошларимиз ҳолидан хабар олиш, улар билан мулоқот ўтказиш ҳамда улар учун турли диний ва маданий тадбирлар ташкил этиш мақсадида хорижий давлатга ташрифлар амалга оширилаётгани таъкидлаб ўтилди.

Суҳбат давомида Ислом динининг афзалликлари, фарзанд тарбиясида диннинг ўрни, масхаблар, ақидалар ҳақида умумий тушунчалар берилди.

Бундай жонли мулоқотлар турли марказлар ва ресторанларда ҳам ташкил этилди.

Ўзбекистон мусулмонлари идораси Матбуот хизмати

Фақиҳ Абу Лайс Самарқандий раҳматуллоҳи алайҳнинг “Танбеҳул ғофилин” асарида бундай ривоят келади:

Фақиҳ Абу Жаъфар, Абу Яқуб Исҳоқ ибн Абдураҳмон ал-Корий, Абул Аббос ал-Фазл ибн Ҳакам ан-Найсабурий, Язид ибн Абдуллоҳ. Икрима ибн Аммор, Шаддод ибн Абдуллоҳ Дамашқий санадлари ила:

Абу Умома Бохилий айтади: “Амр ибн Анбасадан:

– Сени нега “Исломдаги тўртинчи мусулмон” дейишади? – деб сўрадим. У бундай деб жавоб берди:

– Мен одамлар залолатда эканини кўрар, бутлар ҳеч нарса эмаслигини билардим. Сўнгра Маккада бир одамнинг хабарини эшитдим. Минагимга[1] миниб Маккага келдим. Қарасам, Расулуллоҳ соллаллоҳу алайҳи ва салламни қавми ураб турибди. Ёнларига бордим ва:

– Сиз кимсиз? – дедим.

– Пайғамбарман, – дедилар.

– Пайғамбар нима дегани?

– Аллоҳнинг элчиси, дегани.

– Сизни Аллоҳ юбордими?

– Ҳа.

– Нима учун юборди?

– Аллоҳнинг биру борлигини билдириб, Унга ҳеч нарсани шерик қилмаслик, бутларни йўқ қилиш ва силаи раҳм қилиш учун юборди.

– Бу ишда ёнингизда кимлар бор?

– Бир ҳур ва бир қул.

Қарасам, ёнларида ҳазрати Абу Бакр ва ҳазрати Билол бор экан.

– Сизга тобе бўлайинми? – дедим. Шунда Пайғамбар соллаллоҳу алайҳи ва саллам:

– Бугун бунга тайёр эмассан. Ҳозирча оилангга қайт. Менинг майдонга чиққанимни эшитсанг келиб ёнимга қўшиласан, – дедилар. Мен мусулмон бўлиб оиламга қайтдим.

Амр ибн Анбаса сўзида давом этди:

– Ўша кун туфайли ўзимни тўртинчи мусулмон деб санадим. Билишимча, ўшанда мусулмонлардан тўрт киши бўлган эдик.

Расулуллоҳ соллаллоҳу алайҳи ва саллам Мадинага ҳижрат қилдилар. Мен яна минагимга миниб Мадинага келдим. Ҳузурларига кириб:

– Ё Расулуллоҳ, мени танияпсизми? – деб сўрадим. У зот:

– Ҳа, менинг ёнимга Маккада келган эдинг, – дедилар...” (Аҳмад ибн Ҳанбал ривояти).

Бу ривоятдан Амр ибн Анбаса, гарчи Мадинага келганидан сўнг таҳоратдан бошлаб Ислом арконларини ўрганган бўлса-да, Маккадаги илк даврда имон келтирган тўртинчи мусулмон экани маълум бўлади.

Абдулатиф АБДУЛЛАЕВ

тайёрлади

[1] Минак – минадиган нарса, маркаб, улов. У даврда эшак, хачир, от, туялар минак бўлган.