Навоий вилояти Навбаҳор туманида янги очилган "Жўра Хатиб бобо" жоме масжидида адо этилган илк жума намозидан фотолавҳалар

ЎМИ масжидлар бўлими

Бугун масофалар қисқараётган муносабатлар яқинлашаётган,  маданиятлар муштараклашаётган, замон тили билан айтганда, ҳамма нарса “глобаллашаётган” бир даврда яшаб турибмиз. Бугунги кунда турли хил ниқоблар остида мусулмон давлатлар ёшлари онгини заҳарлаш, минг йиллик синовларга дош берган Ҳақ йўлдан тойдириш, уларни жаҳолат, бузуқлик, нодонликка бошлаш билан глобал бошқарувига эришиш учун бор ҳунарини ишга солаётган кучлар мавжудлиги айни ҳақиқат. Бу йўлда миссионерлик ҳаракатларидан, ўз турмуш тарзини тарғибот — ташвиқот қилишдан, оммавий ахборот воситаларидан, хуллас, таъсир ўтказишнинг барча усуллларидан кенг фойдаланишмоқда.

Маълумки, дунё ҳаёти – ҳар бир инсонга берилган ўткинчи синов муддатидир. Ундаги ҳар бир кун, соат, дақиқа ва ҳатто сония инсон учун кўп фойда келтирадиган ғанимат бир фурсатдир, бунда инсон онадан туғилиб, вафот этгунча охират учун сай-ҳаракат қилади. Умр бўйи қилган яхши амаллари эвазига савоб, ёмон амаллари учун гуноҳ ёзилиб турадиган бир муддатдир. Ёшлик ва ўспиринлик даври эса ҳаётнинг энг жўшқин ва ғанимат даври ҳисобланиб, унда тана аъзолари куч — қувватга тўлган ва ҳаракатлар жўшқин бўлиб, киши кўп ютуқларни қўлга киритиши мумкин бўлади. Ёшлик даври ғаниматлиги ҳақида Пайғамбаримиз саллаллоҳу алайҳи вассаллам шундай марҳамат қилганлар: “Ёшлик, ўспиринлик даврини кексайиб, мункиллаб қолишдан аввал ғанимат билинг ва бўш вақни бирор иш билан машғул бўлиб қолишдан олдин ғанимат билинг!”

Демак, ёшликда қилинган ишлар пухта ва мустаҳкам бўлади. Шунинг учун ҳам юртнинг келажаги, унинг мустаҳкамлиги, куч-қудрати ва тараққиёти ўша юрт ёшларининг салоҳияти билан чамбарчас боғлиқдир.Улуғ ҳакимларнинг машҳур гаплари бор: “Ёшликда ўрганилган илм тошга ўйилган нақш кабидир”.

Демак, ҳар бир ота — она фарзандларига ёшлик даврининг бўш кунларини ғанимат билишни ва ундан унумли фойдаланиш зарурлигини тушунтиришлари лозим. Уларни ёшлигидан бошлаб, одоб-ахлоқли қилиб тарбиялаш билан бирга, илму фаннинг барча қирраларини эгаллашга қизиқтириб, ҳалол меҳнатга ўргатиб, пешона тери билан топилган ризқ-рўзида барака бўлиши ҳақида панду насиҳатлар қилишлари айни муддаодир.

Ёшларимизнинг хеч бир фурсатлари беҳуда ва бекор ўтмаслиги лозим. Айниқса карантин муддатида уларни фойдали ишларга жалб этишимиз керак. Барчамиз гувоҳ бўлдик ҳукуматимиз улар учун карантин даврида ҳам таълим олишлари учун имконият яратиб берди. Айни дамда бу машғулотлар ҳам поёнига етди, аммо бу энди хоҳлаган ишларини қилишлари мумкин дегани эмас. Зеро фарзандларимизнинг бўш вақти душманимизнинг иш вақти эканини унутмайлик. Уларга дунёвий билим бериш асносида, инсонийлик фазилатлари, диний қадрятларимиз, миллий урф-одатларимиз каби биз учун азиз жонимиз каби муҳим ахлоқий сифатларни хам ўргатиб борайлик.

Онгли ёшларимиз дўст киму, душман ким эканини яхши ажратиб олишлари лозим. Маълумки ватанимиз жаҳон саҳнида ўзининг мустаҳккам ўрнини эгаллаб бормоқда. Бу давр мамлакатимиз учун осон кечмаслиги табиий. Бу борада келажак эгалари бўлган ёшларимизнинг ўрни беқиёс албатта. Улар маънан етук, жисмонан бақувват, илмий салоҳиятлик бўлсалар, ёт ғоялардан узоқ бўлиб, ўзлари танлаган тўғри йўлда собит турсалар, албатта улар учун заҳмат чеккан ота оналар, устозу мураббийлар, қўни қўшни ва қавму қариндошлар доимо хотиржам бўла оладилар.

Аллоҳ таоло кўзимимзни нури ва қалбимизни ҳузури бўлган жонажон фарзандларимизни доимо ўз ҳифзу ҳимоясида асрасин. Келажакда юртимиз номини дунёга таратишларини  насиб қилсин.

Авазхон ЖАЛОЛОВ
Гулистон шаҳар “Исо ўғли Мусо”
масжиди имом–хатиби.

Аллоҳга беадад шукрлар бўлсинки, юртимиздаги масжидлар сони яна биттага кўпайди. Бугун Навоий вилоятининг Навбаҳор туманида "Жўра Хатиб бобо" номли янги жоме масжидининг очилиш маросими бўлиб ўтди. Унда вилоят бош имом-хатиби Тоҳир домла Рўзиев, Навбаҳор тумани ҳокими Л.Облоқулов, туман бош имом-хатиби Ф.Тошев ва маҳалла фуқаролари, нуроний отахонлар қатнашди.

Навоий аҳли ушбу янги масжидда илк жума намозини адо этдилар. Янги қурилган жоме барча намозхонларнинг қалбига чексиз қувонч, ўзгача кўтаринки хурсандчилик бағишлади.

Замонавий дизайн ва миллий услуб уйғунлигида бунёд этилган муҳташам масжидда мўмин-мусулмонлар учун барча шарт-шароитлар яратилган. Айниқса, масжид хонақоҳи ёруғ ва кенг, таҳоратхонаси эса шинам ва барча қулайликларга эга. Жоме 500 дан ортиқ намозхонни сиғдира олади.

Масжид хонақоҳи ўртасидаги гумбазнинг ички тарафи анъанавий нақшлар билан безатилган ҳамда Қуръони каримнинг учдан бирига тенг "Ихлос" сураси битилган. Меҳробнинг атрофига "Оятул Курси", ўнг томонига "Аллоҳ", чап томонига эса "Муҳаммад" лафзи туширилган.

Маълумот учун, эндиликда юртимиздаги масжидлар сони 2099 тага, Навоий вилоятидаги масжидлар сони эса 81 тага етди.

Ўзбекистон мусулмонлари идораси

Масжидлар бўлими

Ўзбекистон мусулмонлари идораси Наманган вилояти Чуст тумани "Саид Насимхон тўра" жоме масжиди имом-хатиби Ҳафизуллоҳ қори домланинг вафотлари муносабати билан уларнинг яқинлари ва оила аъзоларига чуқур таъзия изҳор этади.
Устоз Хафизуллоҳ қори домла 1959 йил Наманган вилояти Чуст туманида таваллуд топган. Чуст шаҳридаги "Мавлоно Лутфуллоҳ" жоме масжидида бир неча йиллар имом-хатиб вазифасида хизмат қилган. Кейинчалик "Саид Насимхон тўра" жоме масжидида дин йўлидаги хизматини давом эттирди. Ўнлаб қори ва муллаларни тарбия қилган улуғ устоз эди.
Аллоҳ таоло охират сафарига кузатилаётган марҳумнинг дин хизмати йўлида қилган барча солиҳ амалларини ўзларига ҳамроҳ айлаб, Ўз мағфиратига олсин.
Аллоҳ таоло марҳумнинг аҳли-аёли, фарзанду набираларига сабр бериб, бу мусибатга ажру мукофотлар ато этсин.

Иннаа лиллааҳи ва иннаа илайҳи рожиъун!

Ўзбекистон мусулмонлари идораси Матбуот хизмати

Муқаддас динимизнинг соф исломий таълимотини юртимиз мўмин-мусулмонларига асл ҳолича етказиш, Ислом маърифатини кенг ёйиш, буюк аждодларимизнинг бебаҳо дурдонларини ёшларимизнинг онгу шуурига сингдириш, халқимиз, айниқса, навқирон авлод вакилларини муқаддас қадриятларимизга зид турли ёт ғоялардан асрашда имом-хатибларнинг ўрни бугун ҳар қачонгидан ҳам муҳим аҳамият касб этиб боряпти.

Бугун чет давлатларга таълим олиш, саёҳат қилиш ва ишлаш учун бораётган ватандошларимизни огоҳликка чорлаш, интернет сайтлари ва ижтимоий тармоқларда ўзларининг радикал чиқишлари билан кишини чалғитувчи ғаразли кимсалар даъватларидан эҳтиёт бўлишга ундашда имом домлаларнинг хизматлари таҳсинга сазовор.

Ана шу жабҳаларда фаоллик кўрсатган, Тошкент вилояти имом-хатибларининг бошини қовуштириб, улар билан ҳамжиҳатликда ишлаётган, кўплаб масжидларнинг обод бўлишига хизмат қилаётган Жасурбек домла Рауповни куни кеча Ўзбекистон мусулмонлари идораси раиси, муфтий Нуриддин домла Холиқназаров мақтов ёрлиғи билан тақдирлади.

Албатта, бу Жасурек домланинг камтарона хизматларига муносиб рағбатдир.

Меҳнат қилган инсон ҳеч қачон кам бўлмаслиги айни ҳақиқатдир. Тошкент вилояти бош имом-хатибининг мақтов ёрлиқ билан тақдирланиши яна бир қувончли воқеанинг дебочаси бўлди.

Гап шундаки, бугун, яъни, 2021 йил 4 ноябрь куни Ўзбекистон мусулмонлари идораси тасарруфидаги масжидларда фаолият юритаётган имом-хатиблар ўртасида “Йил имоми – 2021” кўрик-танловининг республика босқичи бўлиб ўти.

Кўрик-танловда Қорақалпоғистон Республикаси, вилоятлар ва Тошкент шаҳридаги ҳудудий босқичларда ғолибликни қўлга киритган имом-хатиблар баҳслашдилар.

Ҳакамлар ҳайъатининг хулосасга кўра, энг юқори балл тўплаган Тошкент вилояти Пискент тумани “Собирхон ота” жоме масжиди имом-хатиби Суннатилла домла Эрназаров биринчи ўринни қўлга киритди.

Бу ютуқ нафақат “Собирхон ота” масжиди жамоасининг ёки Пискент тумани мўмин-мусулмонларининг, айни пайтда Тошкент вилоятининг ҳам муваффақиятидир.

Суннатилла домла 2000 йилдан бери Пискент туманидаги “Собирхон ота” жоме масжиди имоми бўлиб ишлаб келмоқда. Ўтган давр мобайнида у жума мавъизаларида, иккала ҳайит ва бошқа турли тадбирларда халқимизга соф Ислом таълимотини етказишга муносиб ҳисса қўшмоқда.

Фурсатдан фойдаланиб, ЎМИ Тошкент вилояти вакиллиги жамоаси ҳамда вилоятдаги шаҳар ва туманлар бош имом-атиблари, масжидлар имомлари, отинойилар номидан Жасурбек домла Раупов ҳамда Суннатилла домла Эрназаровни қўшалоқ мукофот блан самимий муборакбод этамиз.

Аллоҳ таоло Ўзининг дини йўлида хизмат қилаётган барча азизларимизнинг ажрларини кўпайтириб берсин!

Ўзбекистон мусулмонлари идораси

Тошкент вилояти вакиллиги

Матбуот хизмати