Россия мусулмонлари диний жамоаси (РМДЖ) 25 ноябр ькуни барча конфессия ва миллатлардаги муҳожирлар учун федерал портални очади, деди РМДЖ раиси муфтий Альбир Крганов.
Islam.ru хабарига кўра, аввалроқ муфтий "РИА Новости" ахборот агентлигига муҳожирларни ҳуқуқий ҳимоя қилиш ва маданий мослаштириш Федерал марказининг ташкил этилиши ҳақида маълумот берган эди. Улар учун ишонч телефони ҳам очиқ (8-800-550-32-03). Лойиҳа Россиянинг 18 ҳудудида амалга оширилмоқда.
"25 ноябрь куни турли хил долзарб иловалар билан ва бир неча тилда - рус, тожик, ўзбек ва қирғиз тилларида маълумот олиш имконияти билан росмигрант.рф янги ахборот портали ишга тушади ", - деди Крганов РФ Жамаотчилик палатасидаги учрашувда.
Бундан ташқари, унинг сўзларига кўра, ташкилот "Муҳожир алифбеси" номли китобларнинг сериясини чоп этишга ва ўқув видеоларини ёзиб олишга тайёрланмоқда.
"Лойиҳамиз бошлангандан бери мигрантлардан кўплаб мурожаатлар олдик, энди эса ҳар куни 40 тагача мурожаатларни қабул қиламиз. Биз нафақат маслаҳатлашиб, масалаларни масофадан туриб ҳал қиламиз, балки бевосита ўз қавмлармиз ва масжидларимизда ҳам ёрдам кўрсатамиз", - дея изоҳ берди муфтий.
Ўзбекистон мусулмонлари идораси матбуот хизмати
#Хушхабар
Ўзбекистон Республикаси Олий таълим, фан ва инновациялар вазирлиги кенгаши қарорига кўра, Тошкент шаҳридаги Новза жоме масжиди имом-хатиби Жалолиддин домла Ҳамроқулов «Ижтимоий-маънавий тарбия назарияси» ихтисослиги бўйича фахрий профессор илмий унвони билан тақдирланди.
Устознинг динимиз соф таълимотини тарғиб этиш, ёш авлодни маънавий баркамол этиб тарбиялаш ҳамда илмий-маърифий фаолиятдаги кўп йиллик хизматлари юксак эътироф этилди.
Аллоҳ таоло Жалолиддин домлага ушбу унвонни муборак айлаб, илмий ва маърифий ишларида барака, соғлик ва муваффақият ато этсин.
Ўзбекистон мусулмонлари идораси
Матбуот хизмати