Сайт тест ҳолатида ишламоқда!
28 Январ, 2026   |   9 Шаъбон, 1447

Тошкент шаҳри
Бомдод
06:17
Қуёш
07:38
Пешин
12:41
Аср
15:53
Шом
17:38
Хуфтон
18:53
Bismillah
28 Январ, 2026, 9 Шаъбон, 1447

Қадр кечаси фазилатлари

17.05.2020   3408   3 min.
Қадр кечаси фазилатлари

Қадр кечасининг ўзига хос бир қанча фазилатлари мавжуд бўлиб улар Қуқъони карим оятлари ва ҳадиси шарифларда зикр қилинган. Қуйида шу ҳақида сўз юритамиз.

  • Қуръони карим шу кечада нозил қилинган. Аллоҳ таоло айтади: «Албатта, Биз у (Қуръон)ни Лайлатул Қадрда нозил қилдик» (Қадр, 1).
  • У минг ойдан кўра яхшироқ кечадир. Аллоҳ таоло шундай марҳамат қилади: «Лайлатул Қадр минг ойдан яхшироқдир» (Қадр, 3). Имом Табарий ушбу оят тафсиридаги энг тўғри гап Қадр кечасидаги амал ушбу кеча бўлмаган минг ойда қилинган амалдан яхшироқ эканини айтганлар.
  • У муборак кечадир. Алоҳ таоло Духон сураси 3-оятида шундай марҳамат қилади: «Албатта, Биз у (Қуръон)ни муборак кечада нозил қилдик». Демак, ушбу кеча кунлар орасидаги энг муборак кеча экан.
  • Ушбу кечада жуда кўп фаришталар ерга тушади. Аллоҳ таоло бу ҳақида шундай марҳамат қилади: «Унда фаришталар ва Руҳ Роббилари изни билан барча ишлар учун тушади» (Қадр, 4). Муфассир уламоларимиз ояти каримада зикр қилинган Руҳ Жаброил алайҳиссалом эканликларини айтишган. Абу Ҳурайра розияллоҳу анҳудан ривоят қилинган ҳадисда шундай дейилади: «Албатта, фаришталар ўша кечада ерда майда тошлардан ҳам кўп бўлади».
  • Кейинги йилгача бўладиган ишларнинг ёзилиши. Аллоҳ таоло шундай марҳамат қилади: «Ўша (кеча)да ҳар бир ҳикматли иш ажратилиб, ҳал қилинур». Кўплаб муфассир уламолар фаришталар Аллоҳнинг амри билан кейинги йилгача бўладиган барча ишларни ёзиб қўйишини айтишган. Бу маънони Ибн Аббос розияллоҳу анҳу айтганликлари ривоят қилинади.
  • Уни ибодат биланбедор ўтказиш ўтган гуноҳлар кечирилишига сабаб бўлиши. Имом Бухорий Абу Ҳурайра розияллоҳу анҳудан ривоят қилган ҳадисда Расулуллоҳ соллаллоҳу алайҳи васаллам айтадилар: «Ким Қадр кечасида (чин) иймон ва (риё қилмасдан) савоб умидида қойим бўлса унинг ўтган гуноҳлари кечирилади».
  • Дуолар ижобат бўлиши. Имом Термизий Оиша розияллоҳу анҳудан ривоят қилинган ҳадисда У зот Расулуллоҳ соллаллоҳу алайҳи васалламдан: «Ё Расулуллоҳ, қайси кеча лайлатул қадр эканини билсам унда нима дейман?», деб сўрадилар. Расулуллоҳ соллаллоҳу алайҳи васаллам шундай дедилар: «Аллоҳумма иннака аъвуффун, туҳиббул аъфва фаъфу аънний» (Маъноси: Аллоҳим, Cен марҳаматли Зотсан, афв этишни суясан, мени кечиргин!) дегин», дедилар. Оиша онамиз Қадр кечасида дуолар ижобат бўлишини билганлари учун ҳам ушбу кечада қандай дуо қилишни Расулуллоҳ соллаллоҳу алайҳи васалламдан сўраб ўрганиб олмоқдалар.
  • Ушбу кеча ибодатидан маҳрум бўлиш катта жудолик экани. Ибн Можа Анас ибн Молик розияллоҳу анҳудан ривоят қилган ҳадиси шарифда Расулуллоҳ соллаллоҳу алайҳи васаллам айтадилар: «Албатта, сизларга ушбу (Рамазон) ой ҳозир бўлди. Унда минг ойдан яхшироқ кеча бор. Ким ундан (яхшилиги ва ибодат қилиш) маҳрум бўлса барча яхшиликдан маҳрум бўлибди. Унинг яхшилигидан фақат маҳрум (бахтсиз, ибодат лаззатидан бебаҳра) инсонгина маҳрум бўлади». Шунинг учун ҳам Расулуллоҳ соллаллоҳу алайҳи васаллам Қадр кечасини топишга тарғиб қилар ва ўзлари ҳам охирги ўн кунликни ибодат билан ўтказар эдилар.

Демак, Қадр кечаси жуда кўплаб фазилатларга эга ва энг муборак кеча экан. Шунинг учун ҳам бу кечани бедор ўтказишга, ундаги фазилатларга эга бўлиб қолишга интилиш лозим. Аллоҳ таоло барчамизга ушбу кечанинг фазилатига эришишни насиб қилсин! 

 

Манбалар асосида

Ийсохон Яҳё тайёрлади

Бошқа мақолалар
Янгиликлар

Спорт – бирдамлик рамзи

28.01.2026   1203   2 min.
Спорт – бирдамлик рамзи

Соғ танда – соғлом ақл

Инсон тетик, бардам ва бақувват бўлиши учун мунтазам равишда жисмоний тарбия билан шуғулланиши керак. Айниқса, бугунги фаровон ҳаётда – ҳар бир оилада жон бошига биттадан автоулов тўғри келаётган даврда бу жуда муҳим.
Ўзбекистон мусулмонлари идораси раиси, муфтий Шайх Нуриддин Холиқназар ҳазратлари ташаббуслари билан диний соҳа ходимлари ўртасида «Соғ танда – соғлом ақл» шиори остида спортнинг волейбол, стол тенниси, шахмат-шашка турлари бўйича  мусобақалар бўлиб ўтяпти.
Бугун, 28 январь куни пойтахтимиз имом-хатиблари ва имом ноиблари ўртасида спортнинг волейбол, стол тенниси, шахмат-шашка мусобақаларининг Тошкент шаҳар босиқчи жуда кўтаринки руҳда бўлиб ўтди.
Мусобақани Тошкент шаҳар бош имом-хатиби Абдуқаҳҳор домла Юнусов ва ҳамкор ташкилотлар мутасаддилари очиб бердилар.
Табиийки, мусобақаларда тез қарор қабул қила оладиган, абжир, чаққон ва эпчилларга омад кулиб боқади.

Волейбол бўйича 

1-ўрин Юнусобод тумани 
2-ўрин Учтепа тумани  
3-ўрин Сергели тумани диний соҳа ходимларига насиб этди.

Стол тенниси мусобақасида 

1-ўрин Юнусобод тумани «Масжидул Хайр» масжиди имом ноиби Адҳамхўжа домла Ҳикматуллаев; 
2-ўрин Мирзо Улуғбек тумани «Олтинтепа» масжиди имом ноиби Раҳматуллоҳ домла Ҳикматуллаев; 
3-ўрин Миробод тумани «ал-Бадр» масжиди имом ноиби Жамшид домла Назаров лойиқ кўрилди.

Шашка йўналишида 

1-ўрин Шайхонтоҳур тумани «Обидхон Махдум» масжиди имом ноиби Адҳам домла Латипов; 
2-ўрин Учтепа тумани «Азиз ота» масжиди имом ноиби Абдураҳмон домла Камолов; 
3-ўрин Юнусобод тумани «Омина» масжиди имом ноиби Абдураҳим домла Тўрақулов муносиб кўрилди.

Шахмат бўйича ҳам ғолиблар аниқланди:

1-ўрин Бектемир тумани «Бектемир» жоме масжиди имом-хатиби Зиёвуддин домла Аймуҳамедовга; 
2-ўрин Сергели тумани «Маъруф ота» масжиди имоми Сарвар домла Муҳаммадиевга; 
3-ўрин Мирзо Улуғбек тумани «Тўра бува» масжиди имом ноиби Муҳаммадамин домла Абдуллажоновга насиб этди.

Ғолибларга қимматбаҳо совғалар ва фахрий ёрлиқлар топширилди.

Тошкент шаҳар вакиллиги
Матбуот хизмати

Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи Спорт – бирдамлик рамзи
Ўзбекистон янгиликлари