Сайт тест ҳолатида ишламоқда!
03 Апрел, 2025   |   5 Шаввол, 1446

Тошкент шаҳри
Бомдод
04:42
Қуёш
06:03
Пешин
12:31
Аср
16:58
Шом
18:53
Хуфтон
20:08
Bismillah
03 Апрел, 2025, 5 Шаввол, 1446

Ўзбекистонлик қорилар таровиҳ ўқиш учун Россияга кетди

26.05.2017   7512   1 min.
Ўзбекистонлик қорилар таровиҳ  ўқиш учун Россияга кетди

Қориларимизнинг Рамазон ойи муносабати билан таровиҳ  намозларини ўқиши учун қўшни республикаларга юборилиши ўзига хос яхши анъанага айланди.

Бу йил ҳам ўтган йилларда бўлгани каби, бир қатор қориларимиз жорий йил Рамазон ойида таровиҳ  намозларини ўқиб беришлари учун Россия Федерациясига жўнаб кетди.

Россия мусулмонлари диний жамияти таклифига биноан, 26 май куни, эрта тонгда 6 нафар – Чилонзор тумани Бош имом-хатиби Абдукаримов Ҳусниддин, Ўзбекистон мусулмонлари идораси ҳузуридаги муқаддас қадамжоларни сақлаш ва обод этиш хайрия жамғармаси ходими Худойбердиев Фаррух, Дин ишлари бўйича қўмита Таълим бўлими ходими Хайдаров Миродил, Шайхонтоҳур тумани “Дорус-Салом” масжид ноиб-имоми Убайдуллаев Ислом, Чилонзор тумани “Қатортол” масжиди имом-хатиби Алимов Аброр ва Яшнобод тумани “Али ибн Абу Толиб” масжиди ноиб-имоми Мирсодиқов Нурилла каби қориларимиз Москва шаҳрига сафарбар этилди.

Қориларимиз муборак ой давомида Россия Федерацияси шаҳарларида мусулмонларга таровиҳ  намозларида хатми Қуръон ўқиб берадилар.

Шунингдек, сафар давомида қориларимиз Россия Федерацияси шаҳарларида ташкил этиладиган диний маросимларда иштирок этишлари кутиляпти. 

Ўзбекистон мусулмонлари идораси

Халқаро алоқалар бўлими     

Ўзбекистон янгиликлари
Бошқа мақолалар
Янгиликлар

Диний соҳа медиа вакиллари иштирокида ўқув-семинар

02.04.2025   1882   2 min.
Диний соҳа медиа вакиллари иштирокида ўқув-семинар

Бугун, 2 апрель куни Ўзбекистон мусулмонлари идорасида диний соҳада фаолият юритаётган матбуот ва ахборот хизмати ходимлари учун ўқув семинари ўтказилди. Унда Ўзбекистондаги ислом цивилизацияси маркази, Ўзбекистон халқаро ислом академияси, Имом Мотуридий халқаро илмий-тадқиқот маркази, Ўзбекистон мусулмонлари идораси Қорақалпоғистон қозиёти, вилоятлар ва Тошкент шаҳар вакилликлари матбуот котиблари ва ахборот хизмати ходимлари иштирок этди. 
 

Анъанага мувофиқ, тадбир Қуръони карим тиловати билан бошланди. Дастлаб Ўзбекистон мусулмонлари идораси раисининг биринчи ўринбосари Ҳомиджон домла Ишматбеков семинар иштирокчиларига хайрли тилаклар билдирди. Шунингдек, бугунги ахборот ва технологиялар замонида диний соҳа фаолиятига оид материалларни оммага тақдим этиш, нохолис ахборотлардан огоҳлантириш ниҳоятда муҳим экани, бу эса соҳада ишлаётган матбуот котиблари ва мутахассислар зиммасига катта масъулият юклаши, шу боис улар ўзининг доимий малакасини ошириб бориши зарурлиги, бунда ўқув семинарларнинг алоҳида ўрни борлигини таъкидлади. 


Шундан сўнг тўғридан-тўғри ва масофавий шаклда ўтган ўқув семинар тингловчилари Филология фанлари доктори Беруний Алимов, Дин ишлари бўйича қўмита бош мутахассиси Яҳёбек Ҳайиталиев, Алишер Навоий номидаги Тошкент давлат ўзбек тили ва адабиёти университети таянч докторанти Ориф Толиб каби соҳа мутахассисларининг дарсларини тинглади. 


Ўқув-семинар давомида “Интернет тармоғида тарқалаётган ёт ғояларнинг таҳлили: муаммо ва ечимлар”, “Диний соҳа ходимларининг ОАВ ва ижтимоий тармоқларда чиқишлари тартиби бўйича тавсиялар”, “Замонавий ахборот технологияларда матнли материалларни тарқатиш усуллари” каби мавзуларда бир-биридан қизиқарли машғулотлар олиб борилди. 


Ҳар бир дарс якунида тингловчилар ўзларини қизиқтирган саволларга атрофлича жавоб олишди. 


Ўзбекистон мусулмонлари идораси
Матбуот хизмати

Диний соҳа медиа вакиллари иштирокида ўқув-семинар Диний соҳа медиа вакиллари иштирокида ўқув-семинар Диний соҳа медиа вакиллари иштирокида ўқув-семинар Диний соҳа медиа вакиллари иштирокида ўқув-семинар Диний соҳа медиа вакиллари иштирокида ўқув-семинар Диний соҳа медиа вакиллари иштирокида ўқув-семинар Диний соҳа медиа вакиллари иштирокида ўқув-семинар Диний соҳа медиа вакиллари иштирокида ўқув-семинар
Ўзбекистон янгиликлари