08 Январ, 2025, 8 Ражаб, 1446
08 Январ, 2025, 8 Ражаб, 1446
Шу йил 3-4 январь кунлари Имом Бухорий номидаги Тошкент ислом институтида олий ва ўрта махсус ислом таълим муассасаларининг ўқув ишлари бўйича раҳбар ўринбосарлари, ўқув-услубий ва ёшлар билан ишлаш, маънавият-маърифат бўлимлари бошлиқлари учун қисқа муддатли малака ошириш курси ташкил этилди.
Ўқув-машғулотларини Дин ишлари бўйича қўмита, Имом Мотурудий халқаро илмий-тадқиқот маркази, Ички ишлар вазирлиги мутахассислари, Ўзбекистон халқаро ислом академияси, Тошкент давлат педагогика университети, Тошкент ислом институтидан жалб қилинган профессор-ўқитувчилар замонавий ахборот технологиялари ва интерфаол усуллардан фойдаланган ҳолда олиб борди.
Мазкур малака ошириш курсидан кўзланган мақсад диний таълим муассасаларининг ўқув-услубий, маънавий-маърифий йўналишидаги масъул ходимларнинг илмий салоҳиятини ошириш, замонавий педагогик усулларни жорий қилиш ва таълим сифатини яхшилаш саналади.
Якунда тингловчиларга мазкур малака ошириш курси якунлагани тўғрисидаги сертификатлар топширилди.
Ўзбекистон мусулмонлари идораси
Матбуот хизмати
Ўзбекистон мусулмонлари идораси раҳбариятининг аҳоли билан самимий мулоқоти кўплаб муаммоларни ҳал этишда муҳим омил бўлмоқда. Айниқса, фуқаролар қабули давомида ҳар бир мурожаат эътиборга олиниб, ўз ечимини топаётгани қувонарли ҳол.
Бугун, 8 январь куни Диний идора раиси ўринбосари Зайниддин домла Эшонқулов фуқароларни қабул қилиб, мурожаат, арз ва таклифларини эшитди. Қабул чоғида улар томонидан кўтарилган масжидлар ҳолати, имом-хатиблар фаолияти, ҳаж-умра, оилавий масалалар ва моддий ёрдам олиш сингари масалалар кўриб чиқилди.
Жумладан, шаръий масалалар ечими юзасидан тавсиялар ва моддий ёрдам сўраганларга белгиланган тартибда кўмак берилди. Масжид ва имомлар фаолиятига оид мурожаатларни кўриб чиқиш учун Идора бўлимларига тегишли вазифалар юкланди.
Мана шундай самимий қабул ва ғамхўрликдан мамнун бўлган фуқаролар кўрсатилган эътибордан кўнгиллари шод бўлишиб, хайрли дуолар қилишди.
Бу каби қабул жараёнлари Ўзбекистон мусулмонлари идорасининг ҳудудлардаги вакилликлари ва барча жоме масжидларида ҳам ҳафтанинг ҳар чоршанба куни имом-домлалар томонидан амалга оширилмоқда.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 