Cавол: Рўзада ифтордан кейин ётишдан олдин рўзага ният қилиб саҳарликка турмаса бўладими?

Жавоб: Бисмиллаҳир Роҳманир Роҳийм.

Эртаси куни тутадиган рўзаси дуруст, лекин саҳарлик қилиш суннатини тарк қилган бўлади. Саҳарликнинг савобидан қуруқ қолади. Бу ҳақда Пайғамбаримиз саллаллоҳу алайҳи васаллам бундай дейдилар: “Саҳарлик қилинглар. Чунки саҳарликда барака бор” (Муттафақун алайҳ).

Демак, саҳарлик билан рўза тутишга одатланиш керак. Валлоҳу аълам.

Ўзбекистон мусулмонлари идораси
Фатво маркази.