Sayt test holatida ishlamoqda!
07 Yanvar, 2025   |   7 Rajab, 1446
search icon
Avvalgi sayt
ЎЗ РУ EN AR

Toshkent shahri
Tong
06:24
Quyosh
07:49
Peshin
12:34
Asr
15:29
Shom
17:13
Xufton
18:32
Bismillah
07 Yanvar, 2025, 7 Rajab, 1446
Avvalgi sayt
#search
 YouTube

Ramazon oyida 10 milliardlik xayriya qilindi

11.05.2021   2311   3 min.
Ramazon oyida 10 milliardlik xayriya qilindi

Ramazon saxovat oyi ham. Bu ulug' oyda qilingan xayriyalarga o'ndan etti yuz barobargacha va undan ham ko'paytirib beriladi. Shu bois mo'min-musulmon xalqimiz bu mavsumda boshidan to oxiriga qadar xayriya ishlarini ko'proq qilishga shoshiladi. Imom-xatiblar ham bu oyda saxovatpesha insonlarni xayriyalar qilib ulkan ajru savob olib qolishga targ'ib qiladi, ehtiyojmand oilalarga dalolat qilib haqdorlarning ko'nglini obod qiladilar.

Joriy yil Ramazon oyida ushbu an'ana yanada keng quloch yozdi. Bu muborak mavsum davomida Imom-xatiblar va saxovotpesha insonlarning yaxshilik yo'lidagi hamkorligi natijasida yurtimizdagi bir necha o'n minglab ehtiyojmand oilalar, “Muruvvat” va “Saxovat” uylariga, shifoxonalardagi haqdorlarga 10 milliard 35 million so'mdan ortiq oziq-ovqat, kiyim-kechak va boshqa turdagi xayriyalar etkazib berildi. Albatta, bu xayriya ishlarining hammasi emas. Mahfiy tutilgan, hisobga kiritilmagan xayriyalar bundan ham ko'p. Imom domlalarimiz mushkuli bor, ko'ngli siniq, qo'li yuqa kishilarga moddiy xayriyalarni ulashish barobarida ularning ko'nglini shirin so'z bilan ko'tarib, haqlariga duoi xayrlar qildilar.

 Qur'oni karimda marhamat qilinadi: “Ehsonning mukofoti faqatgina ehsondir” (Ar-Rohman surasi, 60-oyat). Ya'ni, yaxshilikning mukofoti faqatgina yaxshilikdir. Oyati karimadagi birinchi yaxshilikni bandalar qiladi. Uning ichiga barcha ezgu ishlar kiradi. Ikkinchi yaxshilik esa Alloh taolo yaxshilik qiluvchilarga beradigan jannatdir.

Anas roziyallohu anhudan rivoyat qilinadi: Rasululloh sollallohu alayhi va sallam aytdilar: “Eng afzal sadaqa Ramazonda qilingan sadaqadir”. Imom Ahmad va “Sunan” sohiblarining ba'zilaridan qilingan rivoyatda: “Kim bir ro'zadorga iftorlik bersa, u uchun u (ro'zador)ning ajridan hech narsa kamaymagan holatda bo'ladi (yoziladi)”, deganlar.

Eslatib o'tamiz, imom-xatiblar tashabbusi bilan Ramazonning ilk haftasida qariyb 2 milliard, ikki haftasida 4 milliard so'mlik so'm xayriya qilingani haqida xabar bergandik.

Alloh taolo ulug' oyda qilingan xayriyalarni dargohida qabul qilib, ajru mukofotini yanada ko'paytirib bersin, bunday xayrli ishlarni bardavom qilsin!

 

 

 

 

 

 

 

 

 

 

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar

Rajab - istig‘for oyi

6.01.2025   5091   2 min.
Rajab - istig‘for oyi

Hazrati Ali roziyallohu anhu aytadilar: “Rajab oyida istig‘for aytishni ko‘paytiring. Chunki bu oyning har bir soatida do‘zaxdan ozodlik bor” (Daylamiy rivoyati. Al-Firdavs (81/1. 247).

 

أَسْتَغْفِرُ اللهَ

O‘qilishi: “Astag‘firulloh”.

أَسْتَغْفِرُ اللهَ وَأَتُوبُ

O‘qilishi: “Astag‘firulloha va atuubu ilayh”.


أَستغفِرُ اللهَ الَّذي لا إلَهَ إلَّا هو الحيُّ القيُّومُ وأَتوبُ إليه

O‘qilishi: “Astag‘firullohallaziy laa ilaha illaa huval hayyul qayyum va atuubu ilayhi”.

 

رَبِّ اغْفِرْ لِي وَتُبْ عَلَيَّ إِنَّكَ أَنْتَ التَّوَّابُ الرَّحِيمُ

O‘qilishi: “Robbig‘fir liy va tub ’alayya innaka antat tavvaabur rohiym”.

 

سُبْحَانَكَ وَبِحَمْدِكَ أَسْتَغْفِرُكَ وَأَتُوبُ إِلَيْكَ

O‘qilishi: “Subhaanaka va bihamdika astag‘firuka va atuubu ilayk”.

 

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لاَ إِلَهَ إِلاَّ أَنْتَ أَسْتَغْفِرُكَ وَأَتُوبُ إِلَيْكَ

O‘qilishi: “Subhaanakallohumma va bihamdika ashhadu allaa ilaha illaa anta astag‘firuka va atuubu ilayk”.
 

اللَّهُمَّ إِنَّكَ عُفُوٌّ كَرِيمٌ تُحِبُّ الْعَفْوَ فَاعْفُ عَنِّي

O‘qilishi: “Allohumma innaka afuvvun kariymun tuhibbul afva fa’fu ’anniy”.

 

أَللَّهُمَّ مَغْفِرَتُكَ أَوْسَعُ مِنْ ذُنُوبِي وَرَحْمَتُكَ أَرْجَى عِنْدِي مِنْ عَمَلِي

O‘qilishi: “Allohumma mag‘firotuka avsa’u min zunuubiy va rohmatuka arjaa ’indiy min ’amaliy”.

 

أسْتغفرالله ربي من كلّ ذنبٍ وأتوبُ إليه

O‘qilishi: “Astag‘firulloha Robbiy min kulli zanbin va atuubu ilayh”.

 

Davron NURMUHAMMAD