Sayt test holatida ishlamoqda!
02 Avgust, 2025   |   8 Safar, 1447
search icon
Avvalgi sayt
ЎЗ РУ EN AR

Toshkent shahri
Tong
03:46
Quyosh
05:19
Peshin
12:34
Asr
17:31
Shom
19:43
Xufton
21:09
Bismillah
02 Avgust, 2025, 8 Safar, 1447
Avvalgi sayt
#search
 YouTube

Indoneziyada "O'zbekistonda ramazon" teledasturi namoyish etiladi

26.04.2021   1605   1 min.
Indoneziyada

O'zbekistonga Indoneziyaning qator OAV vakillaridan iborat delegatsiya keldi. Ular 166 mln auditoriyaga ega bo'lgan ANTV, CNN, TVRI, RRI, TransTV, Trans7 va ASWA Muslim TV kabi telekanal muxbirlaridan iborat.

Tashrifdan ko'zlangan maqsad indoneziyalik sayyohlarning O'zbekiston haqida xabardorligini oshirib, ziyorat turizmini keng targ'ib qilish orqali sayyohlar oqimini oshirish.

Ikki hafta mobaynida delegatsiya vakillari respublikamizning Toshkent, Termez, Samarqand, Buxoro, Hiva va Qo'qon shaharlari bo'ylab sayohat qiladi, deb xabar bermoqda uzbektourism.uz.

Mazkur tashrif O'zbekiston Turizm va sport vazirligi va O'zbekistonning Indoneziyadagi elchixonasi tashabbusi bilan tashkil etilgan bo'lib, bunda O'zbekistonning sayyohlik salohiyati, ziyoratgoh va tarixiy obidalari bilan tanishtirish rej qilingan. Buning uchun barcha hozirliklar ko'rilgan.

Hozirda Indoneziya milliy televideniyesining bir necha kanallarida "O'zbekistonda ramazon" teledasturi tayyorlanib, unda Ramazon oyida saharlik va iftorlik vaqtlarida indoneziyalik tomoshabinlar uchun O'zbekistonning muqaddas ziyoratgoh va buyuk ulamolari haqida ma'lumot beriladi.

Shuningdek, delegatsiya sayyohlik manzillari bilan tanishib, turizm sohasidagi turoperator, aviakompaniya, mehmonxona, muzey kabi tashkilotlarning o'zaro hamkorligi o'rganiladi.

Bu ikki davlat o'rtasida turizmni rivojlantirish, indoneziyaliklarni yurtimizning qadim tarixi, mavjud ziyoratgohlari, buyuk ulamolar merosi bilan tanishtirish orqali islom diniga oid yangi ma'lumotlarga ega bo'lishiga xizmat qiladi.

 

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar

Bular Alloh uchun, men uchunchi?

01.08.2025   9277   1 min.
Bular Alloh uchun, men uchunchi?

حدثنا العباس الدوري نا يعلى بن عبيد نا موسى هو الجهني عن مصعب بن سعد عن أبيه قال: جاء أعرابي النبي صلى الله عليه وعلى آله وسلم فقال: يا رسول الله: علمني كلاما أقوله قال :”قل لا إله إلا الله وحده لا شريك له الله أكبر كبيرا والحمد لله كثيرا وسبحان الله رب العالمين لا حول ولا قوة إلا بالله العزيز الحكيم“. قال: هؤلاء لربي فما لي قال: قل:  اللهم اغفر لي وارحمني واهدني وارزقني.

 

Mus’ab ibn Sa’d otasidan rivoyat qiladi: “Bir a’robiy Nabiy sollallohu alayhi va ’alaa olihi vasallamning oldilariga kelib: “Ey, Allohning Rasuli, menga bir kalimani o‘rgating, men uni aytib yuray”, dedi.

“Laa ilaaha illallohu vahdahu laa shariyka lahu, Allohu akbar kabiyro, valhamdulillaahi kasiyro, subhaanallohi Robbil ’aalamiyn, laa havla va laa quvvata illaa billaahil ’aziyzil hakiym”, deb ayt! dedilar.

U: “Bular Alloh uchun, men uchunchi?” dedi. “Allohummag‘firliy, varhamniy, vahdiniy, varzuqniy”, degin”, deb aytdilar”.

 

Kalima va duoning ma’nosi: Yolg‘iz Allohdan o‘zga iloh yo‘q, Uning sherigi yo‘q. Alloh buyukdir, eng buyukdir, Allohga ko‘p hamd bo‘lsin. Olamlar Robbi pok deb yod etaman. Kuch ham, quvvat ham faqat Azizu Hakim Alloh bilandir.

Allohim, meni mag‘firat qil, menga rahm qil, meni hidoyatga boshla va menga rizq bergin.

 

Abu Said Haysam ibn Kulayb Shoshiyning
“Musnadi Shoshiy” asaridan
Davron NURMUHAMMAD tarjimasi