— Keksa buvim yiqilib, oyog'i lat edi. Yurolmay bir joyda yotib qoldi. Shunda onam issiqda qiynalmasin deb buvimning sochini kalta qilib kesib qo'ydi. Lekin eshitishimcha, ayollar sochi ko'kragini yopadigan darajada uzun bo'lishi kerak ekan. Vafot etganda sochi kalta bo'lib ketmasligi kerak ekan. Shu gap qanchalik to'g'ri?
— Erlari bo'lsa, o'sha kishining ruxsati ila bo'ladi. Zaruriy holatlarda ayol kishi g'usl va ba'zi bir narsalarga qiynalgan holatlarda qisqartirish joiz. Qiyomatda qayta tirilganida erkagu ayol yalong'och bo'ladi. Shundan ba'zi kishilar ijtihod qilib ayolning sochlari uzun bo'lsa, ko'kraklarini to'sib turishi kerak, deganlar. Ulamolar ayol kishi sochini kesishiga ruxsat berganlar, faqat quloq yumshog'idan yuqori bo'lib ketmasligi kerak ekanligini ta'kidlaganlar. Soch zararlanganida parvarish uchun, er talab qilganida kesish joiz. Ammo boshqa holatlarda uzun bo'lishi afzal albatta. Vallohu a'lam!
Muhammad Ayyub HOMIDOV
Joriy yilning 21-22 oktyabr kunlari O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbusi bilan Qoraqalpog‘iston Respublikasi va viloyatlar diniy soha xodimlari o‘rtasida mini-futbol bo‘yicha «Muftiy sovrini – 2025» musobaqasi bo‘lib o‘tgani haqida ijtimoiy tarmoqlar orqali xabar bergan edik.
Bugun, Qoraqalpog‘iston Respublikasidagi markaziy «Imom Eshon Muhammad» jome masjidida ushbu musobaqa g‘oliblarini taqdirlash marosimi bo‘lib o‘tdi. Marosimda Qoraqalpog‘iston Respublikasi Sport vaziri Ye.Qutiboyev, Vazirlar Kengashi kotibiyat mudiri J.Yusupov, Qoraqalpog‘iston musulmonlari qoziyoti qozisi B.Razov, «Muhammad ibn Ahmad al Beruniy» madrasasi direktori J.Abdirazzaqov, qoziyat, madrasa xodimlari va imom-xatiblar ishtirok etdi.
Qoraqalpog‘iston Respublikasi Sport vaziri Ye.Qutibayev, Qoraqalpog‘iston musulmonlari qoziyoti qozisi B.Razov musobaqa ishtirokchilarini g‘alaba bilan tabriklab, kelgusi ishlarida muvaffaqiyatlar tiladi.
Qoraqalpog‘iston musulmonlari qoziyoti tomonidan g‘oliblarga esdalik sovg‘alar berildi.
Qoraqalpog‘iston musulmonlari qoziyoti.