Sayt test holatida ishlamoqda!
12 Mart, 2025   |   12 Ramazon, 1446
search icon
Avvalgi sayt
ЎЗ РУ EN AR

Toshkent shahri
Tong
05:22
Quyosh
06:40
Peshin
12:38
Asr
16:40
Shom
18:29
Xufton
19:42
Bismillah
12 Mart, 2025, 12 Ramazon, 1446
Avvalgi sayt
#search
 YouTube

Hayriya uchun bir milliard evrodan ortiq mablag' sarflagan makkalik parfyumer vafot etdi

13.01.2021   1568   1 min.
Hayriya uchun bir milliard evrodan ortiq mablag' sarflagan makkalik parfyumer vafot etdi

Saudiya Arabistonida, payshanba kuni ertalab, 95 yoshida Yaqin Sharqda parfyumeriya imperiyasini yaratgan va xayriya uchun bir milliard evrodan ortiq mablag' sarflagan taniqli biznesmen Husayn Bakri G'azzoz vafot etdi.
G'azzoz uchun janoza namozi uning ona shahri Makka shahrida bo'lib o'tdi, deya xabar bermoqda ArabNews nashri.
G'azzoz 1925 yilda tug'ilgan. Dastlabki yillarida oilasi bilan Misrga ko'chib o'tib, boshlang'ich ta'limini olgan, so'ngra Saudiya Arabistoniga qaytib, kichik parfyumeriya biznesini ochgan, bu esa mintaqadagi o'z yo'nalishi bo'yicha eng yirik korxonadan biriga aylangan.
U asos solgan kompaniya 1942 yilda G'azzoz Saudiya Arabistonidagi atirlarni import qiluvchi birinchi agentga aylangach, o'z faoliyatini boshladi. 77 yil ichida loyiha biznes imperiyasiga aylandi. U bilan Dior, Gucci, Versace, Cartier, Chanel, Yves Saint Laurent (YSL), Montblanc, Dunhill va Dupont kabi kompaniyalar hamkorlik qilib kelmoqda.
Islam.ru ma'lumotlariga ko'ra, shu bilan birga Husayn xayriya faoliyati bilan faol shug'ullandi, jami kambag'allarga yordam berish va butun dunyo bo'ylab tibbiy yordam tarqatishga 1 milliard evrodan ortiq sarmoya kiritdi.

O'zbekiston musulmonlari idorasi matbuot xizmati

Dunyo yangiliklari
Boshqa maqolalar
Yangiliklar

Iftorlik dasturxoni yozilib, qalblarga quvonch ulashildi

12.03.2025   245   1 min.
Iftorlik dasturxoni yozilib, qalblarga quvonch ulashildi

Muborak Ramazon kunlarida ehtiyojmand insonlarga yordam berish, ularni xursand etish Islom dinida buyuk fazilat sanaladi. Shu munosabat bilan Farg‘ona shahrida kam ta’minlangan, yordamga muhtoj insonlar uchun iftorlik dasturxoni yozildi.

Mehribonlik va saxovat muhiti hukm surgan tadbirda Farg‘ona viloyati bosh imom-xatibi Ubaydulloh domla Abdullayev ham ishtirok etib, yig‘ilganlarni muborak oy bilan tabrikladi.


Ramazon – saxovat, birdamlik va bag‘rikenglik oyi ekani, bu oyda mo‘min-musulmonlar ibodatlarini ziyoda qilib, mustahkam birodarlik va bag‘rikenglik bilan yashashga da’vat etilgani, muhtojlarni qo‘llab-quvvatlash inson uchun ikki dunyo saodatiga eltadigan fazilat ekani ta’kidlandi.


Tadbir davomida mehmonlarga taom tortilib, duolar qilindi va xayrli amallarga targ‘ib etildi. Tadbir ishtirokchilari xayriya iftorligi tashkilotchilariga va saxovatli insonlarga o‘z minnatdorliklarini izhor qildilar. Mana shunday xayrli tadbirlar orqali yurtimizda mehr-muruvvat, o‘zaro qo‘llab-quvvatlash fazilatlari yanada mustahkamlanishi qayd etildi. 

Farg‘ona viloyati vakilligi

Matbuot xizmati

Iftorlik dasturxoni yozilib, qalblarga quvonch ulashildi Iftorlik dasturxoni yozilib, qalblarga quvonch ulashildi Iftorlik dasturxoni yozilib, qalblarga quvonch ulashildi Iftorlik dasturxoni yozilib, qalblarga quvonch ulashildi Iftorlik dasturxoni yozilib, qalblarga quvonch ulashildi Iftorlik dasturxoni yozilib, qalblarga quvonch ulashildi
O'zbekiston yangiliklari
#logo