Kiyevda 14 va 15 noyabr' kunlari ikki kun davom etgan XXI Qur'oni Karim bilimdonlarining umumukraina musobaqasida 103 kishi ishtirok etdi. Islam.ru xabariga ko'ra, tanlov epidemiyaga qarshi chora-tadbirlarga qat'iy rioya qilingan holda bo'lib o'tdi: tashrif buyuruvchilar o'rtasidagi masofa nazorat qilib turildi, bir vaqtning o'zida xonada bo'ladigan odamlar sonini kamaytirish uchun, muxlislardan bu yil uyda qolish iltimos qilindi — faqat qatnashuvchilarning ustozlari va yosh ishtirokchilarning ota-onalari hozir bo'lishdi.
Tanlov ishtirokchilari bir necha guruhga bo'lindi. Birinchi kuni hakamlar hay'ati butun Qur'onni o'rgangan va uni qiroat, tajvid qoidalariga muvofiq yoddan o'qiy oladigan va oyatlarning ma'nosini tushuntira oladigan ishtirokchilarning bilim va ko'nikmalarini baholab bordi. Shuningdek "15 juz" (Qur'onning yarmi) va "10 juz" toifalaridagi ishtirokchilar ham qatnashishdi.
Tanlovning ikkinchi kuni turli darajadagi murakkablikda chiqish qilgan xotin-qizlarga ajratildi; shundan so'ng erkaklar va o'g'il bolalar "5 juz" va "2 juz" nominatsiyalari bo'yicha o'z chiqishlarini tugatdilar va kechqurun hakamlar hay'ati g'oliblarning nomlarini e'lon qildilar.

O'zbekiston musulmonlari idorasi matbuot xizmati