Sayt test holatida ishlamoqda!
11 Dekabr, 2025   |    ,
search icon
Avvalgi sayt
ЎЗ РУ EN AR

Toshkent shahri
Tong
06:13
Quyosh
07:39
Peshin
12:21
Asr
15:13
Shom
16:58
Xufton
18:17
Bismillah
11 Dekabr, 2025, ,
Avvalgi sayt
#search
 YouTube

Mavlud oyi – fazilatli oy

22.10.2020   8833   3 min.
Mavlud oyi – fazilatli oy

Har yili hijriy yil hisobidagi Rabi'ul-avval, ya'ni “Mavlud oyi”   kirishi bilan dunyo musulmonlari qatori mamlakatimizda istiqomat qilayotgan yurtdoshlarimiz ham muhim bir sanani keng nishonlaydilar.  U ham bo'lsa “Mavlidun-Nabiy”, ya'ni Payg'ambarimiz Muhammad alayhissalomning tug'ilgan sanalarini sharaflash, bayram qilish oyidir. Bu mavlud oyi fazilatli oydir. Bu oyda barchamiz olamlar sarvari, butun insoniyatga oxirzamon payg'ambari etib yuborilgan suyukli Payg'ambarimiz Muhammad alayhissalomning siyratlarini, hayotlarini yanada kengroq o'rganish, har ishda, har kunimizda, har bir amalimizda u zotga ergashish, sunnatlariga muvofiq hayot kechirishi bir-birimizga yanada ko'proq targ'ib qilishimiz kerak bo'ladi.

         Mavlidun-nabaviyni nishonlashdan ko'zlangan asosiy maqsad mo'min-musulmonlarni Rasululloh sollallohu alayhi vasallamga bo'lgan muhabbatlarini paydo qilish va uni yanada ziyoda qilish va sayqallashdir.

         Alloh taolo O'zining kalomida bunday marhamat qiladi: “Kimda-kim Alloh va Payg'ambarga itoat etsa, aynan o'shalar Allohning in'omiga erishgan zotlar, ya'ni payg'ambarlar, siddiqlar, shahidlar va solih kishilar bilan birgadirlar. Ular hamroh sifatida naqadar go'zaldir!” (Niso surasi, 69-oyat). Boshqa oyatda: “Kimki Alloh va Uning payg'ambarlariga itoat etsa va Allohdan qo'rqib, taqvo qilsa, bas, aynan o'shalargina yutuq egalaridirlar”(Nur surasi 52-oyat), deyiladi.

         Qalbi Rasululloh sollallohu alayhi vasallamga muhabbat bilan limmo-lim to'lgan, u zot alayhissalomning aytganlariga itoat etishni hamma narsadan afzal deb bilgan mo'min albatta Allohning roziligi va fazlu marhamatiga sazovor bo'ladi va jannatda u zotga qo'shni bo'lish baxtini qo'lga kiritadi.

         Ulamolarimiz mo'min bandaning Rasululloh sollallohu alayhi vasallamga bo'lgan muhabbatining qanchalik chin ekanligiga quyidagi ishlar dalolat qiladi deydilar:

  • Nabiy sollallohu alayhi vasallamning bo'yruqlariga so'zsiz bo'ysunish va sunnatlariga amal qilish;
  • Rasululloh sollallohu alayhi vasallamning sunnatlarini avvalo oilasida, qolaversa boshqa insonlarga ham targ'ib etish;
  • Rasululloh sollallohu alayhi vasallamga ko'p salavot va salomlar yo'llash;
  • Sahobalar va ahli baytlari roziyallohu anhumni yaxshi ko'rish;
  • Rasululloh sollallohu alayhi vasallamning hulqlari bilan ziynatlanish;
  • Bid'at xurofotlardan uzoq bo'lish;
  • Rasululloh sollallohu alayhi vasallamning sunnatlariga amal etmaslik, muhabbat qilmaslik oqibatida gunohkor bo'lib qolishdan ehtiyot bo'lish.

Payg'ambarimiz alayhissalomning siyratlari va hayotlarini o'rganib, barcha ish va amalimizda u zotga ergashish, sunnatlariga muvofiq hayot kechirishni bir-birimizga targ'ib qilishimiz kerak. Chunki Payg'ambarimiz sollallohu alayhi vasallamning siyratlarini qancha ko'p o'rgansak, u zot alayhissalomga muhabbatimiz yanada ortadi. Shu bilan birga, shariatimizning ba'zi hukmlari va maqsadlarini yaxshiroq anglaymiz.

         Alloh taolo barchamizga mavlud oyini muborak aylasin!

 

Shoira KARAMOVA,

O'MIning Qashqadaryo viloyatidagi vakilligining

xotin-qizlar masalalari bo'yicha yordamchisi

 

Maqolalar
Boshqa maqolalar

“Hidoya” o‘rta maxsus islom ta’lim muassasasida ma’naviy-ma’rifiy uchrashuv bo‘lib o‘tdi.

11.12.2025   955   2 min.
“Hidoya” o‘rta maxsus islom ta’lim muassasasida ma’naviy-ma’rifiy uchrashuv bo‘lib o‘tdi.

“Hidoya” o‘rta maxsus islom ta’lim muassasasi talabalari o‘rtasida “O‘zbekiston musulmonlari idorasining respublika va xalqaro maydonida faoliyati” mavzusida ma’naviy-ma’rifiy uchrashuv bo‘lib o‘tdi. Uchrashuvda O‘zbekiston musulmonlari idorasi Masjidlar bo‘limi boshlig‘i Muzaffar Kamolov, Xalqaro aloqalar bo‘limi boshlig‘i Shavkatjon Xamdamov hamda O‘zbekiston musulmonlari idorasining Namangan viloyatidagi vakili Musoxon domla Abbosiddinov ishtirok etdilar.

Uchrashuv avvalida Musoxon domla Abbosiddinov ishtirokchilarni mehmonlar bilan tanishtirib, tashrifning asosiy maqsadi va mazmun-mohiyati haqida so‘z yuritdi. U kishining ta’kidlashicha, bunday uchrashuvlar talabalarning dunyoqarashini boyitish, amaliyotdagi islohotlar bilan yaqindan tanishtirish va ularni mas’uliyatli yo‘lga rag‘batlashtirishda muhim ahamiyat kasb etadi.

Muzaffar Kamolov o‘z ma’ruzasida dinimiz ravnaqi, diniy-ma’rifiy sohada amalga oshirilayotgan islohotlar, masjidlar faoliyatini takomillashtirish yo‘lida qilinayotgan ishlar haqida atroflicha to‘xtalib o‘tdi. Shuningdek, bitiruvchi kurs talabalariga qaratilgan qimmatli tavsiyalar ham berildi. U kishi talabalarga amaliyot davomida biriktirilgan masjidlarda xolis niyat bilan, vijdonan va mas’uliyat bilan xizmat qilish, bu xizmatni Alloh roziligi uchun ado etish kerakligini ta’kidlab o‘tdilar.

Shavkatjon Xamdamov mamlakatimizda so‘nggi yillarda diniy soha va xalqaro aloqalar yo‘nalishida erishilayotgan yutuqlar haqida ma’lumot berdi. Uning ta’kidiga ko‘ra: Diniy idoraning xalqaro nufuzi yuksalib bormoqda, bir qator nufuzli tashkilotlar bilan yangi memorandumlar imzolanmoqda, O‘zbekiston musulmonlari idorasi hozirda 5 ta yirik xalqaro tashkilotga a’zo, shuningdek, Muftiylar kengashining ham to‘laqonli a’zosi sifatida faoliyat olib bormoqda.

Shavkatjon Xamdamov bu imkoniyatlar diniy sohamizga berilgan katta e’tibor va ishonch belgilari ekanini, ularni qadrlash va mas’uliyat bilan ishlash zarurligini ta’kidlab o‘tdi.

Tadbir talabalarda katta taassurot qoldirdi. Mehmonlarning ezgu fikr va tavsiyalari yosh avlodning mustaqil fikrlaydigan, bilimli, xalol va vijdonli diniy soha xodimi bo‘lib yetishishlarida muhim ahamiyat kasb etadi.

Ta’lim muassasasi Matbuot xizmati

“Hidoya” o‘rta maxsus islom ta’lim muassasasida ma’naviy-ma’rifiy uchrashuv bo‘lib o‘tdi. “Hidoya” o‘rta maxsus islom ta’lim muassasasida ma’naviy-ma’rifiy uchrashuv bo‘lib o‘tdi. “Hidoya” o‘rta maxsus islom ta’lim muassasasida ma’naviy-ma’rifiy uchrashuv bo‘lib o‘tdi. “Hidoya” o‘rta maxsus islom ta’lim muassasasida ma’naviy-ma’rifiy uchrashuv bo‘lib o‘tdi. “Hidoya” o‘rta maxsus islom ta’lim muassasasida ma’naviy-ma’rifiy uchrashuv bo‘lib o‘tdi. “Hidoya” o‘rta maxsus islom ta’lim muassasasida ma’naviy-ma’rifiy uchrashuv bo‘lib o‘tdi. “Hidoya” o‘rta maxsus islom ta’lim muassasasida ma’naviy-ma’rifiy uchrashuv bo‘lib o‘tdi. “Hidoya” o‘rta maxsus islom ta’lim muassasasida ma’naviy-ma’rifiy uchrashuv bo‘lib o‘tdi. “Hidoya” o‘rta maxsus islom ta’lim muassasasida ma’naviy-ma’rifiy uchrashuv bo‘lib o‘tdi.
O'zbekiston yangiliklari
#logo