Oliy muftiy Naurizbay hoji Tag'anuli ma'naviy uyg'unlik kuni munosabati bilan "Jusan" operatsiyasi doirasida mamlakatga qaytgan O'tirov aholisi bilan uchrashdi.
Uchrashuv chog'ida Oliy muftiy Naurizbay hoji Tag'anuli uyga sog'-salomat va omonlikda qaytish Allohning buyuk rahmati va davlatning g'amxo'rligi ekanini ta'kidladi.
"Qozoqlar - etim va beva-bechoralarni hech baloga qoldirmagan xalq. "Jusan" (shuvoq) nomining o'zi ko'p narsani bildiradi. Bir paytlar Islom davlatini boshqargan ajdodimiz Sulton Baybars ham shuvoqning isini sog'ingan. Shuvoq-ona yurt, Vatanimiz ramzi. Rasululloh (sollallohu alayhi va sallam) ham agar dushmanlari uni haydab yubormaganlarida Makkani tark etmas edilar. Afsuski, ko'p birodarlarimiz va opa-singillarimiz jang maydoniga borib o'ldilar. Bolalar yaralandi. Aslida din urush bilan tarqatilmaydi. Din da'vatda yashnaydi", - deydi Oliy muftiy.
Kazislam.kz ma'lumotlariga ko'ra,, o'z navbatida, "Jusan-2" operatsiyasi tufayli mamlakatga Suriyadan qaytganlar mamlakat rahbariyatiga, yangi hayot va yangi imkoniyatlar bergan ushbu tadbir tashkilotchilariga minnatdorchilik bildirdilar.
"Qozog'istonga qaytganimiz uchun Hudoga shukr qilamiz. Avval bizda mamlakatimizga boshqa qarash bor edi. Edi Vatanga hurmatimiz oshdi. Alloh sizdan rozi bo'lsin, - dedi Perizat Jaksilik qizi.
Ta'kidlash kerakki, "Jusan" operatsiyasi doirasida 21 nafar ayol va 75 nafar bola O'tirov viloyatiga qaytdi. Uchrashuv O'tirov viloyatidagi Imangali masjidida bo'lib o'tdi. Uchrashuv yakunida oliy muftiy Naurizbay hoji Tag'anuli "Jusan" operatsiyasi bo'yicha qaytganlarga oziq-ovqat paketlarini va kitoblarni topshirdi, xabar qiladi Azan.kz.

O'zbekiston musulmonlari idorasi matbuot xizmati