Istanbulda payg‘ambarimiz Muhammad (sollallohu alayhi vasallam)ning tavallud sanalariga bag‘ishlab al-Mavlid an-Nabiy an’anaviy islomiy san’at ko‘rgazmasi ochildi.

Turkiya diniy jamg‘armasining Ayollar, oila va yoshlar markazi tomonidan tashkil etilgan ko‘rgazma Dolmabog‘cha saroyining san’at galereyasi (Saroy kolleksiyasining muzeyi)da o‘tkazilmoqda.

"Payg‘ambar Muhammad (sollallohu alayhi vasallam) Alloh go‘zal va go‘zal narsalarni sevadi hamda go‘zal narsalarni ko‘rsatish, go‘zal narsalarga qarash va go‘zal narsalarni yaratishni maslahat berganlar" dedi ko‘rgazmaning ochilishida Turkiya din ishlari vaziri Ali Erbash.
Ko‘rgazma 200 ga yaqin asardan iborat bo‘lib, ularda 50 nafar talaba va 8 ta Turkiya diniy jamg‘armasi Ayollar, oila va yoshlar markazining san’at maktablari ustalari qatnashmoqda. Ebru texnikasi, xattotlik, chinni kulolchiligi, miniatyuralar, charm buyumlari, “tezxip” oltin bilan yozish va boshqalar yordamida yaratilgan sakkizta san’at yo‘nalishi namoyish etilgan.

Ko‘rgazma 8 dan 13 noyabrgacha, dushanbadan tashqari soat 09:00 dan 17:00 gacha ishlaydi.

O‘zbekiston musulmonlari idorasi Matbuot xizmati