Toshkent shahridagi “Qaffol Shoshiy maqbarasi” ni hammamiz yaxshi bilamiz. Bu ko‘hna inshoot o‘zining mahobati va bezaklari bilan alohida ahamiyatga ega.

Ziyotchilar binoning peshtoqlariga, mahobatli gumbaziga hamda bezaklariga katta qiziqish bilan boqadilar. Maqbara tashqarisiga xattotlar tomonidan bitilgan yozuvlarni ma’nosini bilishga hamma qiziqadi.

Binoning eng yuqorisi ya’ni peshtoq qismida suls xatida Yunus surasining 62-64 oyatlari  bitilgan

أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ (62) الَّذِينَ آمَنُوا وَكَانُوا يَتَّقُونَ (63) لَهُمُ الْبُشْرَى فِي الْحَيَاةِ الدُّنْيَا وَفِي الْآخِرَةِ لَا تَبْدِيلَ لِكَلِمَاتِ اللَّهِ ذَلِكَ هُوَ الْفَوْزُ الْعَظِيمُ (64)

Ma’nosi:

Ogoh bo‘lingizki, albatta , Allohning valiylari(do‘stlari)ga  xavf  yo‘qdir va ular tashvish ham chekmaslar. Ular imon keltirgan va taqvoli bo‘lganlardir. Ularga dunyo hayotida ham, oxiratda ham bashorat (xushxabar) bordir. Allohning so‘zlarida o‘zgartirish yo‘qdir. Ana shu yutuqdir.

Kirish eshigi tepasiga esa tasma shaklida suls xatida  Oli Imron surasi 69-97 oyatlari yozilgan.

إِنَّ أَوَّلَ بَيْتٍ وُضِعَ لِلنَّاسِ لَلَّذِي بِبَكَّةَ مُبَارَكًا وَهُدًى لِلْعَالَمِينَ (96) فِيهِ آيَاتٌ بَيِّنَاتٌ مَقَامُ إِبْرَاهِيمَ وَمَنْ دَخَلَهُ كَانَ آمِنًا وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا وَمَنْ كَفَرَ فَإِنَّ اللَّهَ غَنِيٌّ عَنِ الْعَالَمِينَ (97)

Ma’nosi:

“Albatta, odamlar (ibodati) uchun qurilgan birinchi Uy-Bakka (Makka)dagi muborak va olamlar uchun hidoyat (manbai) bo‘lmish (Ka’ba)dir. Unda aniq alomatlar-“Maqomi Ibrohim” bordir. Unga (Ka’baga) kirgan kishi omonda bo‘lur. Yo‘lga qodir bo‘lgan odamlar zimmasida Alloh uchun Baytni xaj qilish (farzi) bordir. Kimda-kim (buni) inkor etsa , bas, albatta, Alloh olamlardan behojatdir.

 Shahzod Shomansurov tayyorladi