Hijriy 2 yil, jumodus soniy oyi (mil. 623 yil dekabr)

– Rasululloh sollallohu alayhi vasallam bir 150-200 muhojir bilan Qurayshning Makkadan Shomga yo‘l olgan karvoniga qarshi g‘azotga otlandilar. Zul Ushayra degan joyga yetganlarida karvon bir necha kun oldin o‘tib ketgani ma’lum bo‘ldi. Bu Islom tarixida «Zul ushayra» g‘azoti deb ataladi;

– ushbu g‘azotda Rasululloh sollallohu alayhi vasallam Bani Mudlij qabilasi bilan urushmaslik haqida bitim tuzdilar.

Hijriy 3 yil, jumodus soniy oyi (mil. 624 yil noyabr-dekabr)

– Zayd ibn Horisa roziyallohu anhu sariyasi bo‘ldi.

Hijriy 6 yil, jumodus soniy oyi (mil. 627 yil oktyabr-noyabr)

– Zayd ibn Horisa roziyallohu anhu sariyasi bo‘ldi.

Hijriy 7 yil, jumodus soniy oyi (mil. 628 yil oktyabr)

– Hismo sariyasi bo‘ldi.

Hijriy 8 yil, jumodus soniy oyi (mil. 629 yil sentyabr-oktyabr)

– Rasululloh sollallohu alayhi vasallam Amr ibn Os roziyallohu anhu boshchiligida 300 kishilik sariyani Quro vodiyi ortidagi Zotus Salosil diyoriga yuborib, ularning ketidan Abu Ubayda ibn Jarroh roziyallohu anhu boshchiligida 200 kishilik madad kuchlarini jo‘natdilar.