1447/2026 yilgi haj mavsumida xizmat ko‘rsatishni maqsad qilgan umumiy ovqatlanish muassasalarini Makka hokimiyati ro‘yxatga olishni boshladi.
Ro‘yxatga olish jarayoni oktyabr oyining oxirlarida boshlandi — bu esa kelgusi yilgi haj mavsumiga tayyorgarlik rasman yo‘lga qo‘yilganini anglatadi.
Makka hokimiyati ziyorat mavsumi davomida muqaddas shahar hududidagi barcha ovqatlanish faoliyatini nazorat qiladi.
Barcha muassasalardan sog‘liq va sifat standartlariga qat’iy rioya qilish talab etiladi.
Ro‘yxatdan o‘tgan pudratchilar va "ketring" firmalari haj mavsumi boshlangunga qadar o‘z ishlarini rejalashtirish, ta’minot manbalari va xodimlarni o‘qitish uchun yetarli vaqtga ega bo‘ladilar.
T.Azimov tayyorladi
24 yanvar kuni Nukus shaxridagi Muhammad ibn Ahmad al-Beruniy madrasasi sport zalida O‘zbekiston musulmonlari idorasi va Qoraqalpog‘iston musulmonlari qoziyoti tashabbusi bilan imom-xatib va imom-noiblar o‘rtasida sportning voleybol, shashka, shaxmat va stol tennisi bo‘yicha sport musobaqalari tashkil etildi.
Unda Qoraqalpog‘iston Respublikasi Vazirlar Kengashi raisining o‘rinbosari A.Allaniyazov, Qoraqalpog‘iston musulmonlari qoziyoti qozisi B.Razovlar ishtirok etdi.
Ushbu musobaqada respublikamizning barcha tumanlaridan kelgan diniy mutaxassislar g‘oliblik uchun bellashdi.
Musobaqa yakuniga ko‘ra voleybol bo‘yicha birinchi o‘rin Taxtako‘pir, Qorao‘zak, Chimboy va Kegeyli tumanlaridan tuzilgan (Jayxun jamoasi), ikkinchi o‘rin Nukus shahri (Turon jamoasi), uchinchi o‘rin Beruniy va Amudaryo tumanlaridan tuzilgan (Beruniy jamoasi) g‘olib deb topildi.
Sportning shashka turi bo‘yicha Idrisov Abdulaziz Ellikqal’a tumani "Abdulla Norinjoniy" jome masjidi imom-xatibi, shaxmat bo‘yicha Egamberdiyev Ulug‘bek Xo‘jayli tumani "Pirim eshon" jome masjidi imom noibi g‘olib bo‘ldi.
Stol tennisi bo‘yicha Yakupov Axmet Nukus shahri "Alloh berdi Aziz" jome masjidi imom-xatibi g‘olib deb topildi.
Musobaqa muxlislari qiziqarli bellashuvlarga guvoh bo‘ldi. Musobaqa yakunida g‘olib va sovrindorlar esdalik sovg‘alari bilan taqdirlandi.
Qoraqalpog‘iston musulmonlari qoziyoti