Мадинадаги асосий масжид –Масжиди набавийда пандемия сабабли олиб ташланган жойнамоз гиламлар қайта тўшала бошлади. Муҳаррам ойининг биринчи кунида, Икки муқаддас масжид ишлари бўйича ҳайъат раҳбари шайх Абдурраҳмон ас-Судайснинг буйруғи билан масжидга 7000 гилам келтирилади.
Барча гиламлар масжид ва унинг атрофига тўшалади. "Марва-тур" хабарига кўра, битта гиламда уч нафар намозхон ижтимоий масофани сақлаб, ибодат қилишлари мумкин. Диндорлар орасидаги масофа 1,5-2 метр бўлиши керак.
https://azon.uz
Бугун, 2 февраль куни “Қуръон ва тажвидни ўргатиш” бўлимида мазкур мутахассислар учун азон ва иқома бўйича навбатдаги амалий машғулот бўлиб ўтди.
Машғулотлар бўлим бошлиғи Шайх Алижон қори Файзуллоҳ Махдум томонидан олиб борилмоқда.
Бугунги дарсларда Тошкент Ислом институти қошидаги “Қуръони карим ва тажвид” ўқув курслари филиаллари ўқитувчилари ҳамда мазкур таълим даргоҳлари устозлари иштирок этдилар.
Дарс давомида ҳар бир тингловчининг азон ва иқома борасидаги маҳорати якка тартибда тингланиб, зарур тавсиялар берилди. Машғулотлар якунида тингловчиларга азон ва иқома бўйича ижоза гувоҳномалари топширилиши режалаштирилган.
Ўзбекистон мусулмонлари идораси
Матбуот хизмати