09 Январ, 2025, 9 Ражаб, 1446
09 Январ, 2025, 9 Ражаб, 1446
Навоий шаҳрида алоҳида таълим эҳтиёжлари бўлган болалар учун 16-сонли давлат кўп тармоқли ихтисослаштирилган мактабгача таълим ташкилотидаги ногиронлиги бўлган болалар учун Ўзбекистон мусулмонлари идораси Навоий вилоят вакиллиги ҳомийлиги билан янги спорт зали қурилиб, фойдаланишга топширилди.
Очилиш маросимида Ўзбекистон мусулмонлари идораси Навоий вилоят вакиллиги, Ижтимоий ҳимоя миллий агентлиги Навоий вилояти бошқармаси, Дин ишлари бўйича қўмитанинг вилоят бошқармаси вакиллари, Навоий гарнизони ҳарбийлари иштирок этди.
Мазкур жисмоний-соғломлаштириш мажмуаси алоҳида таълим эҳтиёжи бўлган болалар учун даволаш-гимнастика машғулотларини олиб бориш, уларни ҳам жисмоний, ҳам руҳий ривожланишишга, зарур бўлган кўникмаларни эгаллашга имконият яратди.
Маълумот ўрнида ушбу масканда бугунги кунда 108 нафар болажон таълим-тарбия олиб келмоқда.
Ўзбекистон мусулмонлари идораси
Матбуот хизмати
Бугун 2025 йил 8 январ куни Тошкент шаҳар, Учтепа тумани "Ватан" тантаналар мажмуасида "Жаҳолатга қарши маърифат" номли маънавий-маърифий тадбир бўлиб ўтди.
Унда Ўзбекистон мусулмонлари идораси раисининг биринчи ўринбосари Ҳомиджон домла Ишматбеков, аҳоли вакиллари, ёшлар ва хотин-қизлар иштирок этиб, ислом дини эзгулик, тинчлик ва инсонийлик дини экани, фазилатлар, азалий қадриятлар ифодаси эканлигини тарғиб қилиш, ёш авлодга миллий қадриятларимиз, анъаналаримизни тўғри тушунтириш, юртимиз тинчлигини асраш, уларни ватанпарварлик руҳида тарбиялаш борасида фикрлар билдирилди.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 