Ramazon – iymon va ixlos oyi, ilm va ma’rifat oyi. Ummat birligi va haq yo‘lda mustahkam turishda mazhabning tutgan o‘rni beqiyos. Shu muborak kunlarda O‘zbekiston musulmonlari idorasi raisi o‘rinbosari Zayniddin domla Eshonqulov Samarqand viloyatiga bordi.

Samarqand shahridagi "Ho‘ja Is'hoqi Valiy" jome masjidiga tashrif buyurib, Zayniddin domla viloyat bosh imom-xatibi Ahmadxon domla Alimov hamrohligida jamoat bilan uchrashdi.

Taroveh namozi oldidan Zayniddin domla "Mazhab – ummat birligining asosi" mavzusida so‘z yuritib, ulamolar yo‘lidan og‘ishmaslik, mazhabga ergashish Islom ummatining birligi va barqarorligi uchun naqadar muhim ekanini ta’kidladi. Ular mazhabsizlikning odamni bid’at va gumrohlikka boshlashi haqida ogohlantirib, haq yo‘ldan yurishning ahamiyatini tushuntirdi.

Ta’sirli va ma’naviy zavqqa boy bo‘lgan ushbu uchrashuvdan so‘ng jamoat bilan birgalikda taroveh namozini ado etdilar.

https://t.me/sammuslimuz/45858