Sayt test holatida ishlamoqda!
29 Yanvar, 2026   |   10 Sha`bon, 1447

Toshkent shahri
Tong
06:16
Quyosh
07:37
Peshin
12:41
Asr
15:54
Shom
17:39
Xufton
18:54
Bismillah
29 Yanvar, 2026, 10 Sha`bon, 1447

Olayotgan ilmimiz amalimizga ta'sir qilyaptimi?

23.11.2020   2598   1 min.
Olayotgan ilmimiz amalimizga ta'sir qilyaptimi?

Bizda bir juda yomon odat bor: bir kishi bir salbiy xislat haqida gapirsa (ba'zan undan uzoqlashishga chaqirsa), xayolimizga avval boshqa birov keladi. Ayrimlarimiz hatto aytib ham yuboramiz (bunga tez-tez duch kelyapmiz afsuski). Nega "o'zimda yo'qmikan", deb xavotirga tushmaymiz har birimiz? Shunchalik farishtasifat bo'lib ketganmizmi? Darajamiz o'zlaridan xavotir oluvchi salaflarimizdan ham yuqori bo'lib ketganmi?

Afsuski, bunday holat keyingi yillarda ko'payib ketmoqda. Holbuki, ilm tarqalishi, kengayishi bu illatning ozayishiga sabab bo'lishi lozim edi, agar chindan haqiqiy ilm olinayotgan bo'lganida. Zotan, bir necha yil oldingiga qaraganda hozir internetda ancha ma'lumot to'plangan. Deyarli hamma savolga javob topasiz. Ma'lumotlar g'ij-g'ij. Shar'iy masalalarga ko'pchilikning tili biyron. Taqdim etilayotgan, ulashilayotgan masalalar ko'pligidan boshlar aylanadi. Ammo ahvol o'nglanish o'rniga ortga qarab ketayotgandekmiz.

Demak, bu degani - olayotgan bilimlarimiz faqat ma'lumot to'plashdan nariga o'tmayotganidan dalolat. Amalimizga, sulukimizga ta'sir qilmayapti degani bu. Ayni payg'ambarimiz alayhissalom panoh tilagan ilmga ega bo'lib borayapmiz degani.

Alloh holimizga rahm qilsin, O'zi o'nglasin.

Sayfulloh Nosir

Maqolalar
Boshqa maqolalar
Yangiliklar

Qashqadaryo masjidlari Ramazon oyiga shay holatga keltirilmoqda

29.01.2026   339   1 min.
Qashqadaryo masjidlari Ramazon oyiga shay holatga keltirilmoqda

Qashqadaryo viloyatida muborak Ramazon oyini yuqori saviyada kutib olish va mo‘min-musulmonlar uchun masjidlarda qulay shart-sharoitlar yaratish borasida tizimli ishlar amalga oshirilmoqda. O‘zbekiston musulmonlari idorasining tegishli buyrug‘i asosida hududlardagi ibodat maskanlari mavsumga shay holatga keltirilmoqda. 
 

Amalga oshirilgan asosiy ishlar:

  • Masjid binolari va atrofi obodonlashtirilib, sanitariya holati yaxshilandi;

  • Tahoratxonalar, isitish va yoritish tizimlari texnik ko‘rikdan o‘tkazildi;

  • Taroveh namozlarini xavfsiz va tartibli o‘tkazish bo‘yicha tashkiliy chora-tadbirlar belgilandi.


Joriy yilning 28 yanvar kuni viloyat hokimining o‘rinbosari Farhod Kushakov hamda viloyat bosh imom-xatibi Rahmatillo domla Usmonov Koson tumanidagi masjidlar faoliyati bilan tanishdilar. O‘rganish davomida namozxonlar uchun yaratilgan imkoniyatlar ko‘zdan kechirilib, mavjud kamchiliklarni bartaraf etish yuzasidan zarur tavsiyalar berildi. 


Bu kabi o‘rganish ishlari viloyatning barcha tumanlarida davom ettiriladi. Maqsad — muqaddas oyni yuksak ruhiy kayfiyatda, tinchlik va osoyishtalikda o‘tkazishdir. 

O‘zbekiston musulmonlari idorasi

Qashqadaryo viloyati vakilligi

Axborot xizmati

Qashqadaryo masjidlari Ramazon oyiga shay holatga keltirilmoqda Qashqadaryo masjidlari Ramazon oyiga shay holatga keltirilmoqda
O'zbekiston yangiliklari