2020 yil 26 oktyabr' kuni e'lon qilingan Muslim 500-2021 reytingida O'zbekiston musulmonlari idorasi raisi, muftiy Usmonxon Alimov hazratlari nomlari ham keltirilgan. Ta'kidlash joizki, muftiy hazratlari ushbu ro'yxatdan 2009 yildan buyon o'rin egallab kelayotgan kam sonli nufuzli din peshvolaridan biridirlar.

Ushbu ro'yxat Iordaniyaning Ammon shahridagi Qirollik strategik Islom tadqiqotlar markazi tomonidan e'lon qilindi. Bu haqda http://themuslim500.com/ xabar bermoqda.

Bu yil Muslim 500-2021 reytingida Turkiya prezidenti Rajab Toyyib Erdog'an birinchi o'rin. Undan keyin Saudiya qiroli Salmon ibn Abdulaziz va Eronning Oliy diniy rahnamosi Oyatulloh Said Ali Hamenei bor.

Dastlabki beshlikni 1999 yildan beri Iordaniya qiroli, Quddusdagi muqaddas qadamjolar qo'riqchisi Abdulla II ibn Husayn al-Hoshimiy va etakchi islom mutafakkiri, islom moliyasi asoschilaridan biri Shayx Muhammad Taqi Usmoniy yakunlaydi.

Top-50 tarkibiga Pokiston Bosh vaziri Imron Hon (15 o'rin), Saudiya valiahd shahzodasi Muhammad bin Salmon (23 o'rin), Tojikistonda yashovchi dunyodagi ismoiliylarning ma'naviy yo'lboshchisi Shoh Karim al-Husayniy (30 o'rin), misrlik futbolchi Muhammad Saloh (42 o'rin) ham kiritilgan.

Shuningdek, reytingda prezidentlar Ilhom Aliyev (Ozarbayjon), Gurbanguli Berdimuhammedov (Turkmaniston), Emomali Rahmon (Tojikiston), Ramzan Qodirov (Checheniston) hamda UFCning engil vazn bo'yicha chempioni Habib Nurmagomedov va boshqalar o'rin egallagan.

O'zbekiston musulmonlari idorasi Matbuot xizmati