Bugun, 13 oktyabr' kuni O'zbekiston musulmonlari idorasi raisi, muftiy Usmonxon Alimov hazratlari Toshkent shahrida qayta qurilayotgan jome masjidlarga tashrif qilmoqdalar.

Tashrif davomida Muftiy hazratlari bunyodkorlik ishlarini yaqindan ko'rib, masjidlarda mo'min-musulmon xalqimizga har tomonlama qulay va shinam sharoit qilish borasida muhim tavsiyalarni bermoqdalar hamda qurilish ishlariga moddiy va ma'naviy yordam berayotgan barchaning, xususan, quruvchi-muhandis va ishchi-xizmatchilar haqiga duoi-xayrlar qilmoqdalar.

Jumladan, Shayxontohur tumanidagi “Imom Hasan” jome masjidi yangi binosi poydevoriga tamal toshi quyish marosimi bo'lib o'tmoqda. Shuningdek, Mirzo Ulug'bek tumanidagi “Shayx Ziyovuddinxon” jome masjidini qaytadan qurish rejasi muhokama qilindi.

Tafsilotlarni saytimizda kuzatib boring.

O'zbekiston musulmonlari idorasi Matbuot xizmati