Sabq elektron gazetasining ma’lum qilishicha, 32 yil davomida pokistonlik muslima Nasim Axtar tomonidan matoga to‘qib tayyorlangan Qur’oni karim ko‘rgazmada namoyish uchun joylandi. Ushbu yagona nusxadagi Mus'haf Jabal Omar Qur’on ko‘rgazmasiga qo‘yilgan bo‘lib, har kuni minglab insonlar ushbu ko‘rgazmadan bahramand bo‘lish uchun tashrif buyurishlari qayd etilgan.

Ma’lumotlarga ko‘ra, 1987 yilda 30 yoshida bo‘lgan pokistonlik muslima Qur’oni karimni to‘qishni boshlagan va 2018 yil yanvarida u noyob Mus'hafni ko‘chirishni tugatgan.

Ushbu Mus'hafni yaratishda 300 metrdan ortiq mato va 25 ming metrdanortiq ip ishlatilgan. Qur’oni karim 10 tomdan iborat bo‘lgani, har bir qismda 3 juzdan iborat ekani aytilgan.

Muslima to‘qish bilan peshin namozidan keyin bo‘sh vaqtida shug‘ullangan.

O‘zbekiston musulmonlari idorasi Matbuot xizmati